Weather Update: تیز طوفان کے ساتھ شمالی ہند میں بدلا موسم کا مزاج، دہلی-این سی آر تک اثر

نئی دہلی: شمالی ہند میں ایک بار پھر موسم بدل گیا ہے۔ جمعرات کی صبح اتر پردیش کے کئی اضلاع میں تیز ہواؤں اور بارش کے ساتھ موسم مکمل طور پر بدل گیا۔ اس تبدیلی کا اثر قومی راجدھانی دہلی اور اس کے آس پاس کے علاقوں جیسے نوئیڈا اور غازی آباد میں بھی شام کو دیکھا گیا جب تیز آندھی اور بارش نے لوگوں کو شدید گرمی سے راحت دی۔

محکمہ موسمیات کے مطابق ویسٹرن ڈسٹربنس اور خلیج بنگال سے آنے والی نم ہواؤں کے باعث موسم میں تبدیلی دیکھی جا رہی ہے۔ صبح کے وقت کئی علاقوں میں تیز ہوائیں چلیں جس سے درجہ حرارت میں کمی واقع ہوئی۔ محکمہ نے وارننگ جاری کرتے ہوئے کہا ہے کہ آئندہ چند روز تک موسم ایسا ہی رہ سکتا ہے۔ 10 اپریل کو زیادہ سے زیادہ درجہ حرارت 39 ڈگری سیلسیس اور کم سے کم درجہ حرارت 26  ڈگری سیلسیس کے ارد گرد ریکارڈ کیا گیا تھا۔

11 اپریل کو موسم میں مزید تبدیلیوں کا امکان ہے، اس دن تیز آندھی اور بارش کا امکان ہے، جس کے باعث زیادہ سے زیادہ درجہ حرارت 37 ڈگری اور کم سے کم درجہ حرارت 24 ڈگری ڈگری سیلسیس رہنے کا امکان ہے۔

محکمہ کا کہنا ہے کہ درجہ حرارت میں مزید کمی 12 اپریل کو ریکارڈ کی جائے گی۔ اس دن کے لیے کوئی وارننگ جاری نہیں کی گئی ہے۔ لیکن زیادہ سے زیادہ درجہ حرارت 36 ڈگری اور کم سے کم درجہ حرارت 20 ڈگری سیلسیس رہنے کا امکان ہے۔

اس کے بعد 13 اپریل سے گرمی ایک بار پھر بڑھنے لگے گی۔ اس دن زیادہ سے زیادہ درجہ حرارت 39 ڈگری اور کم سے کم درجہ حرارت 20 ڈگری سیلسیس رہنے کا امکان ہے۔ اگلے روز 14 اپریل کو درجہ حرارت 40 ڈگری سے تجاوز کر سکتا ہے اور کم سے کم درجہ حرارت 22 ڈگری سیلسیس رہے گا۔

اسی طرح گرمی کا اثر 15 اپریل کو بھی رہے گا اور زیادہ سے زیادہ درجہ حرارت 40 ڈگری سیلسیس اور کم سے کم درجہ حرارت 23 ڈگری سیلسیس کے آس پاس رہ سکتا ہے۔

ماہرین موسمیات کے مطابق یہ تبدیلی معمول کی بات ہے اور آئندہ چند روز میں درجہ حرارت میں اتار چڑھاؤ جاری رہے گا۔ لوگوں کو مشورہ دیا گیا ہے کہ وہ محکمہ کی وارننگ پر توجہ دیں اور خاص طور پر تیز ہواؤں اور بارش کے دوران محتاط رہیں۔

بھارت ایکسپریس۔