راجیہ سبھا چیئرمین جگدیپ دھنکڑ
نائب صدر جمہوریہ جگدیپ دھنکڑ نے استعفیٰ دے دیا ہے۔ انہوں نے صدر جمہوریہ کے نام لکھے خط میں اپنی خرابی صحت کا حوالہ دیا ہے اور صدر جمہوریہ سے استعفیٰ قبول کرنے کی درخواست کی ہے۔ حالانکہ جگدیپ دھنکڑنے آج راجیہ سبھا کی کارروائی کی بھی قیادت کی تھی، وہ پوری طرح سے فٹ نظرآرہے تھے ،چار بجے تک راجیہ سبھا میں تھے لیکن اچانک انہوں نے اپنے استعفیٰ کا اعلان کردیا ہے، حالانکہ ان کی مدت کار 2027 میں ختم ہونے والی تھی ،لیکن نصف مدت کار میں ہی انہوں نے اچانک استعفیٰ دے دیا ہے جو کئی سوالوں کو جنم دے رہا ہے۔ حالانکہ آج ہی پی ایم مودی نے سینئر وزراء کے ساتھ ایک اہم میٹنگ کی تھی۔ اس میٹنگ کا ایجنڈہ بہت زیادہ واضح نہیں تھا۔ اب اس میٹنگ کو بھی اس فیصلے سے جوڑاجارہا ہے اور کہا جارہا ہے کہ کسی اہم وجہ سے نائب صدر پر دباو بنا کر استعفیٰ لیا گیا ہے۔ حالانکہ یہ محض قیاس آرائی ہے۔
— Vice-President of India (@VPIndia) July 21, 2025
صدرجمہوریہ دروپدی مرمو کے لکھے اپنے خط میں راجیہ سبھا چیئر اور نائب صدر جگدیپ دھنکڑ نے کہا کہ اپنے صحت کے خیال اور طبی مشوروں پر عمل کرنے کے لیے، میں فوری طور پر آئین کے آرٹیکل 67(اے) کے مطابق بھارت کے نائب صدر کے عہدے سے مستعفی ہوتا ہوں۔میں آپ کا شکریہ ادا کرتا ہوں ،چونکہ آپ نے میری مدتِ ملازمت کے دوران مسلسل تعاون اور دلکش تعلقات کو برقرار رکھا۔میں وزیراعظم اور قابلِ احترام وزراءِ کونسل کا بھی شکرگزار ہوں۔ وزیراعظم کے تعاون اور حمایت ناقابلِ فراموش رہے ہیں، اور میری مدتِ ملازمت کے دوران ان سے بہت کچھ سیکھنے کو ملا۔مجھے جو گرم جوشی، اعتماد، اور محبت پارلیمنٹ کے تمام قابلِ احترام اراکین سے ملی، وہ میری یادوں میں ہمیشہ محفوظ رہے گی۔
میں اپنے عظیم جمہوری نظام میں نائب صدر کے طور پر حاصل ہونے والے قیمتی تجربات اور بصیرتوں کا دل سے شکرگزار ہوں۔ہندوستان کی شاندار اقتصادی ترقی اور اس اہم دور میں غیر معمولی ترقی کو دیکھنا اور اس میں حصہ لینا میرے لیے اعزاز اور اطمینان کی بات ہے۔ اس تبدیلی کے دور میں خدمات انجام دینا واقعی ایک اعزاز ہے۔جب میں اس عہدے سے رخصت ہورہا ہوں، تو بھارت کی عالمی عروج اور شاندار کامیابیوں پر فخر محسوس کررہا ہوں اور اس کی شاندار مستقبل پر پختہ یقین رکھتا ہوں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
