امتحان کے نتائج آج بھی ملک کے درمیانے طبقے کے خاندانوں کے لیے اہم دن ہوتے ہیں۔ شمال مشرقی ریاست آسام سے ایک ایسا ہی دل دہلا دینے والا واقعہ سامنے آیا، جہاں بچے کا رزلٹ دیکھنے کے بعد والد کی اچانک طبیعت خراب ہو گئی اور وہ انتقال کر گئے۔ اس واقعے نے ہر کسی کو صدمے میں مبتلا کر دیا۔
مکمل واقعہ
آسام کے جوروہاٹ سے ایک دردناک واقعہ سامنے آیا ہے، جہاں بیٹے کا رزلٹ لینے کے بعد اچانک ایک والد کی طبیعت خراب ہو گئی اور وہ زمین پر گر گئے۔ فوری طور پر انہیں اسپتال لے جایا گیا، لیکن ڈاکٹر انہیں بچا نہیں سکے۔ اطلاعات کے مطابق منگل کے روز سیمفورڈ اسکول میں یہ افسوسناک واقعہ پیش آیا، جہاں ایک والد اپنے بیٹے کا امتحانی نتیجہ لینے اسکول گئے اور وہیں گر کر چل بسے۔ جان گنوانے والے شخص کی شناخت کچھ گڑل علاقے کے سوناری گاؤں کے رہائشی دیپانکر بورڈولائی (35) کے طور پر کی گئی ہے۔
رزلٹ کے دن ہوا حادثہ
ذرائع کے مطابق بورڈولائی اپنے بیٹے کا رزلٹ لینے اسکول آئے تھے، جو یو کے جی (UKG) میں پڑھتا ہے۔ لیکن رزلٹ لینے کے چند ہی لمحوں بعد ان کی طبیعت اچانک خراب ہو گئی اور وہ گر پڑے۔ اسکول میں موجود لوگوں نے فوری طور پر انہیں ایمرجنسی علاج کے لیے جوروہاٹ میڈیکل کالج اور اسپتال پہنچایا، لیکن تب تک ان کا انتقال ہو چکا تھا۔دیپانکر کی ہوئی اچانک موت سے پورا خاندان صدمے میں ہے۔ ان کے گھر میں کہرام مچا ہوا ہے۔ دیپانکر پہلے سے کچھ بیمار تھے یا اچانک ان کی طبیعت بگڑی؟ ان کو کیا پریشانی لاحق آئی کہ فوری طور پر جان نکل گئی، ان تمام باتوں کی تفصیل ابھی سامنے نہیں آ سکی ہے۔ ڈاکٹرس کی رپورٹ سے ہی ان کی موت کا انکشاف ہو سکے گا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
