ایران اور اسرائیل کے مابین کشیدگی میں اضافہ کو دیکھتے ہوئے وزارت خارجہ کی جانب سے باضابطہ طور پر ایک سفری ایڈوائزری جاری کی گئی ہے جس میں کہا گیا ہے کہ تمام ہندوستان اگلے ٹونس تک اسرائیل اور ایران کا سفر کرنے سے گریز کریں۔ ایڈوائزری میں یہ بھی لگا گیا ہے کہ جو لوگ ایران اور اسرائیل میں موجود ہیں انہیں چاہیے کہ جلد سے جلد وہ ہندوستانی سفارتخانے سے رابطہ کرے اور خود کو رجسٹر کرائیں تاکہ ہنگامی صورتحال میں ان سے رابطہ کیا جاسکے۔ ایڈوائزری میں یہ بھی لکھا ہے کہ جو لوگ دونوں ملکوں میں موجود ہیں انہیں ہدایت دی جاتی ہے کہ وہ احتیاطی تدابیر اختیار کریں اور زیادہ باہر گھومنے سے گریزکریں۔
Travel advisory for Iran and Israel:https://t.co/OuHPVQfyVp pic.twitter.com/eDMRM771dC
— Randhir Jaiswal (@MEAIndia) April 12, 2024
ایرانی سفارتی کمپلیکس پر حملے پر تشویش – جیسوال
واضح رہے کہ گزشتہ دنوں صحافیوں سے بات کرتے ہوئے وزارت خارجہ کے ترجمان رندھیر جیسوال نے کہا کہ ہم نے یکم اپریل 2024 کو شام میں ایرانی سفارتی کمپلیکس پر حملے پر تشویش کا اظہار کیا ہے۔ ہم تمام فریقین پر زور دیتے ہیں کہ وہ ایسے اقدامات سے گریز کریں جو بین الاقوامی قانون کے عمومی طور پر قبول شدہ اصولوں کے خلاف ہوں۔
بھارت ایکسپریس ۔
