Lok Sabha Election 2024: لوک سبھا انتخابات 2024 کے پیش نظر ترنمول کانگریس نے بھی اپنے امیدواروں کا اعلان کردیا ہے جس میں سب سے دلچسپ نام مشہور سابق کرکٹر یوسف پٹھان کا ہے جنہیں ترنمول کانگریس نے کانگریس لیڈر ادھیر رنجن چودھری کے خلاف میدان میں اتارا ہے۔ کرکٹ کے میدان سے انتخابی میدان میں قدم رکھنے والے یوسف پٹھان کو ممتا بنرجی نے بہرام پور سے پارلیمانی انتخابی میدان میں اتارا ہے۔
#WATCH तृणमूल कांग्रेस राष्ट्रीय महासचिव व सांसद अभिषेक बनर्जी ने 42 लोकसभा सीटों के लिए तृणमूल कांग्रेस के उम्मीदवारों की लिस्ट जारी की।
बहरमपुर से TMC के उम्मीदवार पूर्व भारतीय क्रिकेटर यूसुफ पठान होंगे। pic.twitter.com/9VUHCjUZKy
— ANI_HindiNews (@AHindinews) March 10, 2024
ممتا بنرجی کی ترنمول کانگریس (ٹی ایم سی) نے مغربی بنگال کی تمام 42 سیٹوں کے لیے لوک سبھا انتخابات کے لیے امیدواروں کی فہرست کا اعلان کر دیا ہے۔ سابق کرکٹر یوسف پٹھان بہرام پور لوک سبھا سیٹ سے ٹی ایم سی کے امیدوار ہوں گے۔ کانگریس کے سینئر لیڈر ادھیر رنجن چودھری بہرام پور سے الیکشن لڑ رہے ہیں۔ ایسے میں اس بار ادھیر رنجن کا مقابلہ بہرام پور سے یوسف پٹھان سے ہوگا۔ ٹی ایم سی نے مہوا موئترا کو بنگال کی کرشن نگر لوک سبھا سیٹ سے دوبارہ امیدوار بنایا ہے۔
आसनसोल से TMC की लोकसभा सीट के उम्मीदवार शत्रुघ्न सिन्हा होंगे।
तृणमूल कांग्रेस राष्ट्रीय महासचिव व सांसद अभिषेक बनर्जी ने 42 लोकसभा सीटों के लिए तृणमूल कांग्रेस के उम्मीदवारों की लिस्ट जारी की। pic.twitter.com/phkCkD9Gkx
— ANI_HindiNews (@AHindinews) March 10, 2024
ترنمول کانگریس کے قومی جنرل سکریٹری اور ایم پی ابھیشیک بنرجی نے 42 لوک سبھا سیٹوں کے لیے ترنمول کانگریس کے امیدواروں کی فہرست جاری کی۔ انہوں نے بتایا کہ آسنسول سے لوک سبھا سیٹ کے لئے ٹی ایم سی کے امیدوار شتروگھن سنہا ہوں گے۔
ممتا بنرجی نے اعلان کیا ہے کہ ترنمول کانگریس مغربی بنگال میں اکیلے الیکشن لڑے گی… اس کے ساتھ ساتھ آسام اور میگھالیہ میں بھی الیکشن لڑے گی۔ ساتھ ہی اکھلیش یادو کے ساتھ یوپی میں ایک سیٹ پر الیکشن لڑنے کی بات چیت چل رہی ہے۔
یہ بھی پڑھیں- PM Modi in Azamgarh: اعظم گڑھ میں پی ایم مودی نے کہا، “پہلے حکومتیں صرف اعلانات کرتی تھیں، ہم نے جو کہا وہ کرکے دکھایا”
ٹی ایم سی کی فہرست میں مہوا موئترا کے علاوہ پارٹی نے ٹیم انڈیا کے لیے کرکٹ کھیلنے والے یوسف پٹھان پر بھی دائو لگایا ہے، جب کہ اداکاری کی دنیا سے سیاست میں آنے والے شتروگھن سنہا کو بھی موقع دیا گیا ہے۔ شتروگھن سنہا بھی آسنسول سیٹ سے موجودہ ایم پی ہیں۔
-بھارت ایکسپریس
