ششی تھرور کے خلاف مقدمہ درج
نئی دہلی: کانگریس کے سینئر لیڈر ششی تھرور نے بدھ کے روز کہا کہ “ہماری حکومت” سمیت ان سبھی لوگوں کے تعاون کو تسلیم کیا جانا چاہیے جنہوں نے یوگا کو مقبول بنانے کی جد و جہد کی۔ انہوں نے اقوام متحدہ کے ذریعے ‘انٹرنیشنل یوگا ڈے’ کے طور پر یوگا کو بین الاقوامی سطح پر پہچان دلانے کے لیے موجودہ حکومت، وزیر اعظم کے دفتر اور وزارت خارجہ کا ذکر کیا۔
تھرور نے یہ تبصرہ اس وقت کیا جب کانگریس نے یوگا کو مقبول بنانے میں ملک کے پہلے وزیر اعظم پنڈت جواہر لال نہرو کے تعاون کو یاد کیا۔ کانگریس نے اپنے سرکاری ٹویٹر ہینڈل کے ذریعےکہا، “انٹرنیشنل یوگا ڈے پر، ہم پنڈت نہرو کا شکریہ ادا کرتے ہیں، جنہوں نے یوگا کو مقبول بنانے اور اسے قومی پالیسی کا حصہ بنانے میں اہم کردار ادا کیا تھا۔” اپوزیشن پارٹی نے ایک تصویر بھی جاری کی جس میں نہرو کو سرساسن کی حالت میں دیکھا جا سکتا ہے۔
کانگریس کے اس ٹویٹ کو ریٹویٹ کرتے ہوئے تھرور نے کہا، ”یقینی طور پر۔ ہمیں اپنی حکومت، وزیر اعظم کے دفتر اور وزارت خارجہ اور ان تمام لوگوں کے تعاون کو تسلیم کرنا چاہیے جنہوں نے یوگا کو مرکزی دھارے میں واپس لایا اور اسے مقبول بنایا۔ یوگا کو اقوام متحدہ کے ذریعے بین انٹرنیشنل یوگا ڈے کے طور پر بین الاقوامی بنایا گیا۔ انہوں نے کہا، ”جیسا کہ میں کئی دہائیوں سے کہہ رہا ہوں، یوگا دنیا بھر میں ہماری ‘سافٹ پاور’ کا ایک اہم حصہ ہے۔ یہ دیکھ کر اچھا لگتا ہے کہ اسے قبولیت مل رہی ہے۔
انٹرنیشنل یوگا ڈے کی تاریخ
سال 2014 میں اقوام متحدہ کے اجلاس میں وزیراعظم مودی نے یوگا ڈے منانے کی تجویزپیش کی تھی، جس کے بعد 11 دسمبر2014 کوہرسال 21 جون کوانٹرنیشنل یوگا ڈے منانے کا اعلان کیا گیا۔ یوگا کا عالمی دن 2015 سے ہرسال منایا جا رہا ہے۔ آج پوری دنیا میں منایا جانے والا یوگا ڈے منانے کی پہل ہندوستان کی طرف سے ہی کی گئی تھی۔
یہ بھی پڑھیں: International Yoga Day 2023: ہندوستان کا یوگا دیوس ایسے بنا ’انٹرنیشنل یوگا ڈے‘، وزیر اعظم مودی نے تیار کیا تھا پلان
اس سال انٹرنیشنل یوگا ڈے پرپوری دنیا میں مختلف پروگرام منعقد کئے جا رہے ہیں۔ پارکوں، عوامی مقامات، اسکولوں اوریوگا اسٹوڈیوزمیں یوگا سیشن، ورکشاپ اورنمائش منعقد کئے گئے ہیں۔ ان تقریبات کا مقصد ہرعمراورصلاحیت کے حامل افراد کو یوگا اوراس کی تبدیلی کے اثرات سے متعارف کرانا ہے۔ انٹرنیشنل یوگا ڈے جسمانی، ذہنی اورروحانی تندرستی کے لئے بہت خاص ہے۔
بھارت ایکسپریس۔
