بہار کے سابق نائب وزیر اعلی تیجسوی یادو۔
راشٹریہ جنتا دل (آرجے ڈی) نیشنل ایگزیکٹوکی ایک اہم میٹنگ ہونے والی ہے۔ ہوٹل موریہ میں منعقدہ اس میٹنگ میں بہت سارے اہم فیصلے کئے جاسکتے ہیں۔ تیجسوی یادوکو قومی ورکنگ صدربنایا جاسکتا ہے۔ لالوپرساد یادو، تیجسوی یادو، عبد الباری صدیقی سمیت بہت سے سینئرلیڈران اس اجلاس میں موجود ہوں گے۔ بہاراسمبلی میں اپوزیشن لیڈرتیجسوی یادو ہفتہ (24 جنوری) کو کرپوری ٹھاکرجینتی کے موقع پرپارٹی دفترپہنچے۔ اس دوران انہوں نے کہا کہ کرپوری ٹھاکرجی کا خواب ابھی تک پورا نہیں ہوا ہے۔
تیجسوی یادو نے کہا کہ مستقبل میں ان کے خوابوں کوپورا کرنا ہوگا۔ بہارکی جو صورتحال ہے، وہ غریبی ہے، نقل مکانی ہے، تعلیم اورمیڈیکل کے شعبے میں بہارسب سے نچلے حصے میں ہے۔ نہ تو فیکٹری ہے اور نہ ہی صنعت۔ کارخانے خراب حالت میں ہیں۔ کسان تباہ ہوگئے ہیں، لیکن حکومت کوکوئی فکرنہیں ہے۔
سابق نائب وزیراعلیٰ نے کہا کہ بہارمیں گزشتہ 20 سال سے اقتدار میں وہی لوگ ہیں، جو کرپوری ٹھاکرجی کو گالی دے رہے تھے۔ وہ آئین کو بدلنے اورجمہوریت کو ختم کرنے کی بات کرتے ہیں۔ بھائی چارے اوراتھاد کو ختم کرنے کا کام کرتےہیں اوراسی سمت میں یہ لوگ کام کررہے ہیں۔ ہم نے الیکشن ہارنے کے بعد ہی کہا کہ جمہوریت (لوک تنتر) میں ‘لوک’ ہارگیا اور’تنتر’ جیت گیا ہے۔ ان لوگوں نے ‘جن تنتر’ کو ‘دھن تنتر’ اورمشین تنتر بنا دیا ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
