تیلگو دیشم پارٹی (ٹی ڈی پی) کے جنرل سکریٹری اور آندھرا پردیش کے وزیر تعلیم اور آئی ٹی وزیر نارا لوکیش نے 17 مئی کو وزیر اعظم نریندر مودی سے نئی دہلی میں ان کی رہائش گاہ پر ملاقات کی۔ اس دوران نارا لوکیش کی اہلیہ برہمنی نارا اور ان کے بیٹے دیوانش بھی ان کے ساتھ تھے۔ اس ملاقات میں بنیادی طور پر ریاست کے ترقیاتی اقدامات اور 2047 تک ’وکست بھارت‘ (ترقی یافتہ ہندوستان) کے قومی وژن میں آندھرا پردیش کے تعاون پر تبادلۂ خیال کیا گیا۔
سوشل میڈیا پلیٹ فارم ’ایکس‘ پر اس ملاقات کی خبر دیتے ہوئے نارا لوکیش نے وزیر اعظم سے ملاقات کو اپنے لیے اعزاز قرار دیا اور آندھرا پردیش کی ترقی کے لیے ان کی مسلسل حمایت کا شکریہ ادا کیا۔ لوکیش نے لکھا ’’میں نے ریاست کی ترقی کے لیے وزیر اعظم کی مسلسل حمایت کے لیے ان کا شکریہ ادا کیا۔ میں نے ان کی مضبوط اور فیصلہ کن قیادت کے لیے بھی ان کا شکریہ ادا کیا اور اس تعلق سے رہنمائی بھی حاصل کی کہ ریاست 2047 تک وکست بھارت کے ان کے وژن میں کس طرح مزید تعاون کر سکتی ہے۔‘‘
Today, it was my honour and privilege to call on the Hon’ble Prime minister Sri @narendramodi Ji at his residence along with @brahmaninara and Devaansh.
I expressed my gratitude to the Prime Minister for his continued support towards the state’s growth. I thanked him for his… pic.twitter.com/64JczLCOm2
— Lokesh Nara (@naralokesh) May 17, 2025
نارا لوکیش کی اہلیہ نے کہا-اب تک کے سب سے بہترین وزیر اعظم ہیں مودی
نارا لوکیش کی اہلیہ برہمنی نارا، ہیریٹیج فوڈس کے ایگزیکٹیو ڈائرکٹر اور ٹی ڈی پی چیف این چندرابابو نائیڈو کی بہو نے بھی وزیر اعظم کی تعریف کی۔ سوشل میڈیا پلیٹ فارم ’ایکس‘ پر اپنے خیالات کا اظہار کرتے ہوئے انھوں نے لکھا ’’نارا لوکیش اور دیوانش کے ساتھ ہندوستان کے وزیر اعظم جناب نریندر مودی جی سے ملنا اعزاز کی بات تھی۔ مجھے واقعی لگتا ہے کہ وہ اب تک سے سب سے بہترین وزیر اعظم ہیں، جو لگاتار ہندوستان کی ترقی اور اسے سپرپاور بنانے کی کوشش میں لگے ہوئے ہیں۔‘‘
It was an honour to meet India’s Prime Minister, Shri @narendramodi Ji along with @naralokesh and Devaansh. I truly believe he is one of the greatest Prime Ministers ever, consistently working hard towards transforming India into a global superpower. Today’s meeting will be the… pic.twitter.com/IWCCk1X7Se
— Brahmani Nara (@brahmaninara) May 17, 2025
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
