آئی سی سی نے ٹی-20 ورلڈ کپ سے بنگلہ دیش کو باہر کرنے کا اعلان کردیا ہے۔
ICC T20 World Cup 2026: انٹرنیشنل کرکٹ کونسل (آئی سی سی) نے ٹی-20 ورلڈ کپ 2026 سے متعلق ایک بڑا فیصلہ کیا ہے۔ ہندوستان اورسری لنکا کی مشترکہ میزبانی میں ہونے والے اس ٹورنا منٹ سے بنگلہ دیش ٹیم کو باہرکردیا گیا ہے۔ یہ فیصلہ بنگلہ دیش کرکٹ بورڈ (بی سی بی) کے اس رخ کی وجہ سے لیا گیا ہے، جس میں انہوں نے ہندوستان میں میچ کھیلنے سے انکار کردیا تھا۔ اس کے ساتھ ساتھ آئی سی سی نے نئی ٹیم کا نام بھی طے کرلیا ہے، جو بنگلہ دیش کی جگہ ٹورنا منٹ کا حصہ بننے والی ہے۔
ٹی-20 ورلڈ کپ پرآئی سی سی کا بڑا اعلان
ٹورنامنٹ کی شروعات فروری 2026 سے ہونی والی ہے اوربنگلہ دیش نے سیکورٹی وجوہات کا حوالہ دیتے ہوئے ہندوستان میں اپنے میچ نہیں کھیلنے کی بات کہی تھی۔ بی سی بی نے مسلسل اس موضوع پرسخت رویہ اپنایا اورآئی سی سی سے ہندوستان کے باہرمیچ شیڈول کرنے کا مطالبہ کیا، لیکن آئی سی سی نے اسے ٹھکرا دیا۔ آئی سی سی نے واضح کیا کہ ٹورنامنٹ کے ضوابط کے مطابق، سبھی ٹیموں کو مقررہ مقامات پرکھیلنا ہوگا۔ اس صورتحال میں آئی سی سی کوبنگلہ دیش کوباہرکرنے کا سخت قدم اٹھانا پڑا ہے۔
آئی سی سی نے ای میل کے ذریعہ دی جانکاری
میڈیا رپورٹس کے مطابق، آئی سی سی نے بنگلہ دیش کرکٹ بورڈ کے چیئرمین کوایک ای-میل بھیج کراپنے فیصلے کی جانکاری دے دی ہے۔ بنگلہ دیش کی جگہ اسکاٹ لینڈ کو باضابطہ طور پرشامل کیا گیا ہے۔ اسکاٹ لینڈ گروپ سی کا حصہ بنی ہے۔ اس گروپ میں اب انگلینڈ، ویسٹ انڈیز، نیپال، اٹلی اوراسکاٹ لینڈ کی ٹیمیں شامل رہیں گی۔ اسکاٹ لینڈ کا سلیکشن آئی سی سی کی ٹیم رینکنگ کی بنیاد پرکیا گیا ہے۔ وہ ان ٹیموں میں سب سے اوپرتھی، جوکوالیفائرراونڈ سے باہرہوگئی تھیں۔
اسکاٹ لینڈ کے میچوں کا شیڈول
اسکاٹ لینڈ کی ٹیم اپنی مہم کی شروعات 7 فروری کو ویسٹ انڈیزکے خلاف کھیلے جانے والے مقابلے کے ساتھ کرے گی۔ اس کے بعد 9 فروری کواس کا سامنا اٹلی سے ہوگا۔ وہیں، 14 فروری کواسکاٹ لینڈ کی ٹیم انگلینڈ سے مدمقابل ہوگی۔ اس کے بعد وہ اپنا آخری گروپ میچ نیپال کے خلاف کھیلے گی۔ اسکاٹ لینڈ کا یہ ساتواں ٹی-20 ورلڈ کپ ہوگا۔ اس سے پہلے 6 ایڈیشن میں اس نے کل 22 میچ کھیلے ہیں اورصرف 7 میچ جیتے ہیں۔ ایسے میں اسکاٹ لینڈ کی نظراس بڑے موقع کا فائدہ اٹھانے پرہوگی اورزیادہ سے زیادہ میچ جیتنے کے لئے میدان پراترے گی۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
