جھارکھنڈ کے سابق وزیراعلیٰ ہیمنت سورین کو آج بڑا جھٹکا لگا ہے۔ سپریم کورٹ نے ان کی درخواست پر سماعت کرنے سے انکار کر دیا ہے۔ سپریم کورٹ نے سابق وزیر اعلی کو ریاست کی ہائی کورٹ سے رجوع کرنے کو کہا ہے۔ عدالت کی طرف سے کہا گیا کہ جے ایم ایم لیڈرکو زمین سے متعلق کیس میں ان کی گرفتاری کے خلاف عرضی ہائیکورٹ میں پیش کریں۔
Supreme Court asks former Jharkhand CM Hemant Soren to approach Jharkhand High Court with his plea against his arrest by ED in land matter. pic.twitter.com/twmmPVAvjN
— ANI (@ANI) February 2, 2024
جمعہ (2 فروری 2024) کو سپریم کورٹ میں سماعت کے دوران جسٹس سنجیو کھنہ نے دو ٹوک الفاظ میں کہا کہ آپ ہائی کورٹ کیوں نہیں جاتے؟ ہائی کورٹ سے رجوع کریں۔ میرے ساتھی جج بھی اس سے متفق ہیں۔ ہم براہ راست سپریم کورٹ میں دائر اس درخواست کی سماعت نہیں کر سکتے۔ درخواست گزار ہائی کورٹ جانے کے لیے آزاد ہے۔ ہمیں بتایا گیا ہے کہ یہی درخواست ہائی کورٹ میں دائر کی گئی ہے اور وہیں زیر التوا ہے۔ آپ کو بات وہیں رکھنی چاہیے۔ ہائی کورٹ میں دی گئی درخواست میں اگر کوئی ترمیم درکار ہو تو درخواست گزار کر سکتا ہے۔
جسٹس کھنہ کی جانب سے کہا گیا کہ ‘ہائی کورٹ بھی آئینی عدالت ہے، اگر ہم آپ کو براہ راست سنیں گے تو پھر دوسروں کو کیسے انکار کریں گے۔ مزید، وکیل سبل نے کہا کہ وہ بتا سکتے ہیں کہ سماعت براہ راست سپریم کورٹ میں ہو سکتی ہے۔ جسٹس کھنہ نے جواب دیا، “آپ (سورین) پہلے بھی سپریم کورٹ آئے تھے، تب بھی آپ کو ہائی کورٹ جانے کو کہا گیا تھا۔
بھارت ایکسپریس۔
