اجیت پوارکی بیوہ سنیترا پوار نے بارامتی ضمنی الیکشن میں بڑی جیت حاصل کی ہے۔
مہاراشٹرکی سیاست میں آج بڑی سرگرمی دیکھنے کومل رہی ہے۔ پوارفیملی اوراین سی پی کی اندرونی سیاست کے درمیان سنیترا پوارکا نائب وزیراعلیٰ بننا طے ہوگیا ہے۔ راج بھون میں تیاریاں پوری کرلی گئی ہیں اورشام 5 بجے حلف برداری تقریب منعقد ہوگی۔ اس درمیان محکموں (قلمدان) کی تقسیم، بجٹ سیشن اوراین سی پی کے انضمام سے متعلق بھی کئی اہم جانکاریاں سامنے آرہی ہیں۔
سنیترا پوارکے پاس رہیں گے یہ اہم محکمے
ذرائع کے مطابق، سنیترا پوارکوکھیل محکمہ اوراسٹیٹ ایکسائزڈپارٹمنٹ کی ذمہ داری سونپی جائے گی۔ وہیں، اجیت پوارکے پاس پہلے سے رہا محکمہ خزانہ فی الحال نائب وزیراعلیٰ دیویندر فڑنویس کے پاس ہی رہے گا۔ اس کا سیدھا مطلب ہے کہ آنے والے بجٹ کودیویندرفڑنویس ہی پیش کریں گے۔ مہاراشٹرکا بجٹ سیشن 20 فروری سے شروع ہونے جا رہا ہے۔ موجودہ حالات کو دیکھتے ہوئے یہ طے ہوگیا ہے کہ اس باربجٹ دیویندرفڑنویس ہی پیش کریں گے۔ سیاسی ہلچل کے درمیان بجٹ سیشن کوبے حد اہم مانا جا رہا ہے۔
این سی پی کے انضمام کی خبروں سے اجیت پوارگروپ میں ناراضگی
این سی پی کے انضمام سے متعلق بڑی خبرسامنے آئی ہے۔ اجیت پوارگروپ کے اراکین اسمبلی اوروزرا کسی بھی طرح کے انضمام کے حق میں نہیں ہیں۔ شرد پوارکی پارٹی سے بات چیت ضرورچل رہی ہے، لیکن اجیت پوارگروپ میں اس کی جم کرمخالفت بھی ہورہی ہے۔ خاص طورپرسپریا سولے سے متعلق اجیت پوارکے حامی لیڈران اوراراکین اسمبلی میں ناراضگی بتائی جا رہی ہے۔ پارٹی چاہتی ہے کہ انضمام سے متعلق قیاس آرائیوں پراب پوری طرح سے روک لگے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
