نئی دہلی: عالمی ٹیکنالوجی کمپنی گوگل اور الفابیٹ کے سی ای او سندر پچائی نے کہا ہے کہ وہ بھارت میں تیزی سے رونما ہونے والی تبدیلیوں سے بے حد متاثر ہیں اور مصنوعی ذہانت (اے آئی) اربوں لوگوں کی زندگیوں میں مثبت انقلاب لا سکتی ہے۔ انہوں نے زور دیا کہ اے آئی کے حوالے سے دنیا کو جرات مندانہ رویہ اختیار کرنا ہوگا تاکہ اس کی مکمل صلاحیتوں سے فائدہ اٹھایا جا سکے۔ وہ نئی دہلی کے بھارت منڈپم میں منعقدہ انڈیا اے آئی امپیکٹ سمٹ 2026 سے خطاب کر رہے تھے۔ اپنے خطاب میں پچائی نے کہا کہ گوگل ”انڈیا-امریکہ کنیکٹ“ پہل کے تحت امریکہ اور بھارت کے درمیان چار نئی سب میرین فائبر آپٹک کیبل سسٹمز سمیت ایک وسیع نیٹ ورک قائم کر رہا ہے، جس سے ڈیجیٹل رابطوں کو مزید مستحکم کیا جائے گا۔
#WATCH दिल्ली: #IndiaAIImpactSummit2026 में गूगल और अल्फाबेट के CEO सुंदर पिचाई ने कहा, “…भारत वापस आकर बहुत अच्छा लग रहा है। हर बार जब मैं आता हूं, तो बदलाव की रफ्तार देखकर हैरान रह जाता हूं और आज भी कुछ अलग नहीं है। जब मैं स्टूडेंट था, तो मैं अक्सर चेन्नई से IIT खड़गपुर तक… pic.twitter.com/6r9uCcRJCG
— ANI_HindiNews (@AHindinews) February 19, 2026
انہوں نے کہا کہ بھارت میں ٹیکنالوجی کو عام آدمی کی زندگی بہتر بنانے کے لیے استعمال کیا جا رہا ہے۔ مثال دیتے ہوئے انہوں نے بتایا کہ گزشتہ سال بھارتی حکومت نے اے آئی پر مبنی موسمی پیش گوئیاں لاکھوں کسانوں تک پہنچائیں، جس سے انہیں خراب موسم سے متعلق بروقت خبردار کیا گیا اور ان کی روزی روٹی کے تحفظ میں مدد ملی۔ سندر پچائی نے کہا کہ جب تک عالمی برادری باہمی تعاون کے ساتھ کام نہیں کرے گی، تب تک اے آئی کے مکمل فوائد حاصل نہیں کیے جا سکیں گے۔ ان کے مطابق دنیا اس وقت تیز رفتار ترقی کے دہانے پر کھڑی ہے اور مصنوعی ذہانت کو دلیرانہ انداز میں اپنانا وقت کی ضرورت ہے۔
انہوں نے مزید کہا کہ گزشتہ پچاس برسوں سے پروٹین اسٹرکچر کی پیش گوئی سائنسی تحقیق میں ایک بڑا چیلنج رہی، جس کی وجہ سے ادویات کی دریافت کا عمل سست تھا۔ آج 190 ممالک میں 30 لاکھ سے زائد محققین اس ٹیکنالوجی کو استعمال کرتے ہوئے ملیریا جیسی بیماریوں کے خلاف ویکسین کی تیاری میں مصروف ہیں۔
پچائی کے مطابق گوگل بھارت میں 15 ارب ڈالر کی بنیادی ڈھانچے کی سرمایہ کاری کے تحت ایک مکمل اے آئی ہب قائم کر رہا ہے۔ کمپنی صحت، زراعت، اسٹارٹ اپس اور دیگر شعبوں میں مصنوعی ذہانت کے وسیع استعمال کو فروغ دے رہی ہے۔ انڈیا اے آئی امپیکٹ سمٹ 2026 میں 110 سے زائد ممالک، 30 بین الاقوامی تنظیمیں اور تقریباً 20 سربراہانِ مملکت شریک ہیں۔ سمٹ کا مقصد عالمی سطح پر اے آئی کے میدان میں اشتراک اور ذمہ دارانہ ترقی کو فروغ دینا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
