سعودی عرب کے وزیر مملکت برائے امور خارجہ عادل الجبیر پہلے غیر اعلانیہ دورے پر نئی دہلی پہنچے ہیں اور پہلگام دہشت گردانہ حملے کے جواب میں ہندوستان اور پاکستان کے درمیان بڑھتے ہوئے کشیدگی کے پس منظر میں جمعرات کو وزیر خارجہ ایس جے شنکر سے ملاقات کی ہے۔ اس ملاقات پر ایس جئے شنکر نے کہاکہ آج صبح سعودی عرب کے وزیر مملکت برائے امور خارجہ عادل الجبیر سے اچھی ملاقات ہوئی۔دہشت گردی کا مضبوطی سے مقابلہ کرنے پر ہندوستان کے نقطہ نظر کا اشتراک کیا۔سعودی کے وزیر کا ہندوستان دورہ کافی معنی خیز ہے اور ایک طرح سے پاکستان کیلئے پریشانی کا باعث بھی ہے۔ حالانکہ سعودی عرب نے بھی دونوں ملکوں سے تحمل کا مظاہرہ کرنے کی اپیل کی ہے ،البتہ ایک ایسے وقت میں جب ہندوستان پاکستان کے درمیان کشید گی جنگ کی صورت اختیار کرنے کے قریب ہے، سعودی عرب کے وزیر اور ایران کے وزیر خارجہ سید عباس اراغچی کا دہلی دورہ ہندوستان کی سفارتی حکمت عملی کی ایک بڑی کامیابی مانی جارہی ہے۔
واضح رہے کہ اراغچی نے حال ہی میں ہندوستان اور پاکستان کے درمیان ثالثی کی پیشکش کی تھی ۔انہوں نے ایک سوشل میڈیا پوسٹ میں کہا تھا کہ “تہران اس مشکل وقت میں زیادہ افہام و تفہیم پیدا کرنے کے لیے اسلام آباد اور نئی دہلی میں اپنے اچھے دفاتر کو استعمال کرنے کے لیے تیار ہے۔اراغچی نے پیر کو اسلام آباد میں قیادت سے مشاورت کے لیے پاکستان کا غیر طے شدہ دورہ بھی کیا۔ اس کے بعد وہ نئی دہلی کے لیے پرواز کرنے سے پہلے تہران واپس آئے تاکہ ایران کے ہندوستان اور پاکستان کے ساتھ اپنے تعلقات میں کمی کی نشاندہی کرسکیں۔
A good meeting with @AdelAljubeir, Minister of State for Foreign Affairs of Saudi Arabia this morning.
Shared India’s perspectives on firmly countering terrorism.
🇮🇳 🇸🇦 pic.twitter.com/GGTfItZ3If
— Dr. S. Jaishankar (@DrSJaishankar) May 8, 2025
یاد رہے کہ پہلگام دہشت گردانہ حملے کے جواب میں ہندوستان کی تینوں افواج نے آپریشن سندور کے ذریعے پاکستان اور پاک مقبوضہ کشمیر کے متعدد مقامات پر میزائل حملوں کے ذریعے دہشت گردی کے اڈے تباہ کئے تھے جس میں قریب 100دہشت گردوں کو ان کے انجام تک پہنچایا گیا ، سات مئی کے آپریشن سندور کے بعد 8 مئی کی رات میں بھی کئی ڈرون کے ذریعے پاکستان کے مختلف شہروں میں دہشت گردانہ انفراسٹرکچر کو نشانہ بنانے کی کوشش کی گئی ،وہیں پاکستان نے بھی آج صبح ہندوستان کے متعدد شہروں کو نشانہ بنانے کی کوشش کی ،لیکن یہ کوششیں ناکام ہوگئیں چونکہ ہندوستان سیکورٹی ادارے پہلے سے ہی محتاط تھے اور اب بھی ہیں ۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
