سماجوادی پارٹی کے سربراہ اکھلیش یادو۔ (فائل فوٹو)
سماج وادی پارٹی کے سربراہ اکھلیش یادو نے سنبھل تشدد پر بڑا بیان دیا ہے۔ انہوں نے کہا کہ جس دن سے پارلیمنٹ کا اجلاس شروع ہوا، سماج وادی پارٹی نے سنبھل واقعہ کا مسئلہ اٹھانے کی کوشش کی ہے۔ ایوان نہیں چل سکا لیکن ہمارا مطالبہ اب بھی وہی ہے۔ہم سنبھل واقعہ پر اپنے خیالات ایوان میں پیش کرنا چاہتے ہیں۔ سنبھل کے اہلکار اس انداز میں من مانی سے کام کر رہے ہیں، گویا وہ بی جے پی کے کارکن ہیں۔ سنبھل کا واقعہ لوگوں کو دوسرے مسائل سے ہٹانے کے لیے بی جے پی کی ایک منصوبہ بند حکمت عملی ہے۔ایک پوری منصوبہ بندی کے ساتھ سنبھل میں تشدد کے واقعے کو انجام دیا گیا ہے۔انہوں نے کہا کہ جو لوگ ہر جگہ کھودنا چاہتے ہیں وہ ایک دن ملک کی ہم آہنگی اور بھائی چارے کو بھی کھو دیں گے۔
#WATCH | Delhi | Samajwadi Party chief Akhilesh Yadav says, “Since the day when the parliamnet session began, Samajwadi Party has tried to raise the issue of the Sambhal incident. The House didn’t function, but our demand is still the same – we want to put our views on the… pic.twitter.com/AEM7LOyPGx
— ANI (@ANI) December 3, 2024
بنگلہ دیش کے معاملے پر سماج وادی پارٹی کے سربراہ اکھلیش یادو نے کہا کہ بھارتی حکومت کو اس بارے میں سوچنا چاہیے، ایسی چیزیں نہیں ہونی چاہئے، اگر وہ ہمارے سنتوں کا احترام نہیں کر سکتی تو وہ مضبوط حکومت ہونے کا دعویٰ کیسے کر سکتی ہے۔ایس پی ایم پی رام گوپال یادو نے کہا کہ اس طرح کے سروے (مساجد کے) کے ذریعہ ملک بھر میں بدامنی پھیلانے کی سازش رچی جارہی ہے۔ سپریم کورٹ اس کا نوٹس لے اور ایسے احکامات دینے والے ججوں کے خلاف کارروائی کرے۔
بھارت ایکسپریس۔
