اعظم خان اور ان کے بیٹے عبداللہ اعظم۔ (تصویر: ٹوئٹر)
سماجوادی پارٹی کے سینئرلیڈر اعظم خان کی بھابھی کا انتقال ہوگیا۔ اس ضمن میں اہل خانہ نے انتظامیہ سے مطالبہ کیا ہے کہ سماجوادی پارٹی کے لیڈرکوبیٹے عبداللہ اعظإ کے ساتھ 4 گھنٹے کے لئے پیرول دے دیں۔ سماجوادی پارٹی کے جنرل سکریٹری اورسابق وزیر، اعظم خان اپنے بیٹے عبداللہ اعظم کے ساتھ جیل میں بند ہیں۔ اہل خانہ نے ضلع مجسٹریٹ سے آخری رسوم میں شامل ہونے کے لئے اعظم خان اورعبداللہ اعظم کوجیل سے 4 گھنٹے کی پیرول کا مطالبہ کیا ہے تاکہ وہ اپنی بھابھی کے آخری دیدارکرسکیں۔
ضلع مجسٹریٹ کو لکھے گئے خط میں لکھا گیا ہے- درخواست اس طرح ہے کہ درخواست گزارکے سگے ماما محمد اعظم خان ولد مرحوم ممتازخان اوران کے بیٹے محمد عبداللہ اعظم خان اس وقت ضلع جیل رام پورمیں بند ہیں۔ محمد اعظم خان کی سگی بھابھی سلمیٰ شہناز اہلیہ شریف خان، باشندہ ٹنکی نمبر- 5، گھیرمیربازخاں، تھانہ گنج، ضلع رام پورکا انتقال ہوگیا ہے۔
رام پورانتظامیہ کو لکھے گئے خط میں کیا گیا یہ مطالبہ
خط میں لکھا گیا ہے کہ درخواست گزار کے ماما اعظم خان کی سگی بڑی بھابھی اورمحمد عبداللہ اعظم کی سگی بڑی امی ہیں، ان کے آخری دیداراورتدفین میں وہ شامل ہونا چاہتے ہیں اوران کا یہ آئینی حق ہے۔ سلمیٰ شہناز کی تدفین ممتازپارک کے سامنے واقع قبرستان میں 15.12.2025 کو شام 4 بجے رام پورمیں کیا جانا یقینی ہے۔ خط میں اپیل کی گئی کہ محمد اعظم خان ولد ممتازخان اورعبداللہ اعظم ولد محمد اعظم کو 15.12.2025 وقت 2 بجے سے 6 بجے تک تدفین میں شامل ہونے کے لئے پیرول فراہم کرنے کی عنایت کریں۔ اعظم خان اور ان کے بیٹے کی پیرول کے لئے یہ خط فرحان علی نے لکھا ہے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
