Putin India Visit: دہلی کے پالم ایئرپورٹ پر روس کے صدرولادیمیر پتن کا پلین لینڈ ہوگیا ہے۔ پتن دوروزہ دورے پرہندوستان آئے ہوئے ہیں۔ وزیراعظم مودی نے صدرپتن کا ایئرپورٹ پرگرم جوشی سے استقبال کیا، جس کے بعد ان کا گارڈ آف آنرسے استقبال کیا گیا۔ استقبال کے بعد دونوں لیڈران ایک ہی گاڑی میں بیٹھ کرروانہ ہوگئے۔ وہ وزیراعظم مودی کی رہائش گاہ پرپہنچے۔ پتن اورپی ایم مودی دہلی کے پالم ایئرپورٹ سے ایک ہی گاڑی میں روانہ ہوئے تھے۔ ایئرپورٹ پروزیراعظم مودی نے روسی صدرپتن کا والہانہ اورشانداراستقبال کیا۔
ولادیمیر پتن کا طیارہ جمعرات کی شام تقریباً 6 بج کر52 منٹ پر دہلی واقع پالم ایئرپورٹ پرلینڈ ہوا۔ اس کے بعد وزیراعظم نریندرمودی نے ان کا استقبال کیا۔ کچھ دیر بات چیت کے بعد دونوں لیڈران ایک ہی گاڑی میں بیٹھ کر ایئرپورٹ سے سیدھے سردارپٹیل مارگ واقع وزیراعظم مودی کی رہائش گاہ 7 لوک کلیان مارگ پہنچ گئے۔ دونوں لیڈران کا ہی ایک ہی کارمیں سوارہوکرباہرنکلنا ہرطرف سرخیوں میں ہے۔ وزیراعظم مودی کی رہائش گاہ 7 لوک کلیان مارگ پروزیراعظم مودی اورصدرپتن پرائیویٹ ڈنرکریں گے۔ اس ددرمیان ایئرپورٹ سے وزیراعظم مودی کی رہائش گاہ تک سیکورٹی سخت کردی گئی۔
#WATCH | Prime Minister Narendra Modi receives Russian President Vladimir Putin, at the Palam Technical Airport in Delhi
President Putin is on a two-day State visit to India. He will hold the 23rd India-Russia Annual Summit with PM Narendra Modi in Delhi on December 5
(Source:… pic.twitter.com/rpJaipVqmF
— ANI (@ANI) December 4, 2025
اس سے پہلے وزیراعظم مودی نے جس طرح سے پروٹوکول توڑکرصدرولادیمیرپتن کا استقبال کیا ہے، اس سے روس بھی حیران ہے۔ روس نے ایک بیان میں کہا ہے کہ ہمیں نہیں معلوم تھا کہ وزیراعظم مودی استقبال کریں گے۔ آپ کوبتا دیں کہ روسی صدرولادیمیرپتن اوروزیراعظم مودی کی کیمسٹری جگ ظاہرہے۔ حال ہی میں جب پتن اوروزیراعظم مودی چین کے تیانجن میں ملے تھے، تب بھی دونوں لیڈران کی دوستی کودنیا نے دیکھا تھا۔ روس کے صدر ولادیمیرپتن کے ہندوستان دورے پرامریکہ اورچین سمیت پوری دنیا کی نگاہیں مرکوزہوئی ہیں۔ ولادیمیرپتن جب دہلی کے پالم ایئرپورٹ پراترے توانہوں نے وزیراعظم مودی سے نہ صرف ہاتھ ملایا بلکہ گلے بھی لگایا، جس سے پوری دنیا حیران رہ گئی۔
Delhi: Prime Minister Narendra Modi and Russian President Vladimir Putin arrive at 7 LKM, the official residence of Prime Minister Narendra Modi
President Putin is on a two-day State visit to India. He will hold the 23rd India-Russia Annual Summit with PM Narendra Modi in… pic.twitter.com/HflDks0o4H
— ANI (@ANI) December 4, 2025
روسی صدرولادیمیرپتن ایئرپورٹ سے براہ راست وزیراعظم کی رہائش گاہ پہنچ گئے۔ پتن ہندوستان کے دو روزہ سرکاری دورے پرہیں۔ وہ 5 دسمبرکو دہلی میں وزیراعظم نریندرمودی کے ساتھ 23ویں ہندوستان-روس سالانہ چوٹی کانفرنس میں شرکت کریں گے۔ پتن کا سرکاری پروگرام جمعہ 5 دسمبرکوہوگا۔ اس کا آغازراشٹرپتی بھون میں صدردروپدی مرموکے ساتھ ملاقات سے ہوگا۔ وہاں سے صدرپتن راج گھاٹ جا کریادگارپرخراج عقیدت پیش کریں گے۔ اس کے بعد وہ حیدرآباد ہاؤس جائیں گے۔ سربراہی اجلاس کے دوران پتن وزیراعظم نریندرمودی سے ملاقات کریں گے، جہاں خام تیل کے سودے، ایس 400 میزائل سسٹم کی خرید اورفری ٹریڈ ایگریمنٹ (ایف ٹی اے) پر بات چیت ہونے کی امید ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
