پی ایم مودی کی تقریر پر سدارامیا کا سخت ردعمل
بنگلورو: کرناٹک کے وزیر اعلی سدارامیا نے لال قلعہ سے وزیر اعظم نریندر مودی کی یوم آزادی کی تقریر پر سوال اٹھایا ہے۔ انہوں نے اپنے سوشل میڈیا ہینڈل پر لکھا کہ وزیر اعظم نے راشٹریہ سویم سیوک سنگھ (آر ایس ایس) کو دنیا کی سب سے بڑی این جی او کہہ کر غلط تبصرہ کیا ہے۔ آر ایس ایس کوئی غیر سرکاری تنظیم نہیں ہے بلکہ ایک سیاسی اور تفرقہ انگیز تنظیم ہے جو ٹیکس نہیں دیتی اور ہندوستانیوں کو ایک دوسرے کے خلاف اکساتی ہے۔
’’آر ایس ایس کی حمایت پر منحصر ہیں پی ایم‘‘
انہوں نے کہا کہ لال قلعہ بی جے پی کی ریلی کا اسٹیج نہیں ہے۔ یہ ایک تاریخی مقام ہے جہاں وزیر اعظم کو تمام ہندوستانیوں کے بارے میں بات کرنی چاہئے، نہ کہ اپنی پارٹی کی تنظیم کی تعریف۔ وزیر اعظم نے آر ایس ایس کی تعریف کرتے ہوئے ایک پرچارک کی طرح بات کی نہ کہ 140 کروڑ عوام کے لیڈر کی طرح۔ یہ تعریف مودی کی مایوسی کو ظاہر کرتی ہے کیونکہ وہ سیاسی طور پر کمزور ہیں اور آر ایس ایس کی حمایت پر منحصر ہیں۔
’’ایس ایس کا جنگ آزادی میں کوئی کردار نہیں‘‘
وزیر اعظم نے اپنی تقریر میں کہا ملک کو آر ایس ایس کے 100 سال پر فخر ہے۔ سدارامیا نے اس پر سوال اٹھاتے ہوئے کہا کہ پی ایم مودی کو پورے ملک کی طرف سے بولنے کا کوئی حق نہیں ہے کیونکہ آر ایس ایس نے جدوجہد آزادی میں کوئی کردار ادا نہیں کیا۔
’’ایس ایس نے ہندو دھرم کو تنگ نظری میں بدلا‘‘
سدارامیا نے کہا کہ آر ایس ایس کے نظریے نے مہاتما گاندھی کا قتل کرنے کی ترغیب دی اور آزاد ہندوستان میں اس پر تین بار پابندی لگائی گئی۔ انہوں نے سوال کیا کہ کیا وزیر اعظم نہیں جانتے کہ آر ایس ایس نے سچے ہندو دھرم کو تنگ نظری میں بدل دیا ہے۔ اس تنظیم نے باہر کے لوگوں کو دوسرے درجے کا شہری مانا اور کئی دہائیوں تک فرقہ وارانہ تشدد کو فروغ دیتی رہی۔
’’تشدد پھیلانے کا ہے آر ایس ایس کا ریکارڈ‘‘
سدارامیا نے کہا کہ راشٹریہ سویم سیوک سنگھ کا ریکارڈ تشدد پھیلانے کا ہے اور یہ نوجوان ذہنوں کو غلط راستے پر لے جاتا ہے۔ انہوں نے الزام لگایا کہ یہ بالادستی کی سوچ لاکھوں لوگوں کو برابری سے محروم کرتی ہے اور آئین کے خلاف ہے۔
کوئی بھی تنظیم آئین سے بالاتر نہیں: سدارامیا
سدارامیا نے کہا کہ یوم آزادی ان لوگوں کا احترام کرنے کا دن ہے، جنہوں نے ہندوستان کو متحد کیا۔ ہماری آزادی ہر مذہب، ذات اور زبان کے لوگوں نے ترنگے نیچے مل کر جیتی۔ کوئی بھی تنظیم اس اتحاد سے بڑا نہیں اور آئین سے بالاتر نہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
