نئی دہلی: 21 جون کوہونے والی نیٹ یوجی-2026 ری امتحان سے پہلے سیکورٹی سے متعلق بہترحفاظتی انتظامات کرنے کے لئے درج ذیل میں بڑے درجے پرماک ڈرائیوپرغورکیا جائے گا۔ رپورٹس کے مطابق اس کی پریکٹس ہفتہ کے روز کی جائے گی، جس میں سیکورٹی کا انتظام، امتحان کے مراکزکی تیاریوں اورنگرانی کے طریقہ کارکا جائزہ لیا جائے گا۔ جانکاری کے مطابق، ماک ڈرل صبح 9 بجے شروع ہوگا اوردیرشام تک چلے گا۔ اس دوران پورے ملک کے امتحانی مراکز اور متعلقہ ایجنسیوں کے درمیان باہمی اتفاق کا بھی جائزہ لیا جائے گا تاکہ امتحان کے دن کسی طرح کی بدعنوانی یا سیکورٹی میں چوک کا امکان نہ رہے۔
آپ کوبتا دیں کہ 21 جون کو ہونے والی نیٹ-یوجی کی ری ٹسٹ امتحان سے پہلے ہفتہ کے روزپورے ملک میں ماک ڈرل کا انعقاد کیا جائے گا۔ اس کا مقصد امتحان کی تیاریوں اورسیکورٹی نظام کی جانچ کرنا ہے۔ یہ ماک ڈرل صبح 9 بجے سے شروع ہوگی اوردیرشام تک چلے گی۔ اس میں 2.5 لاکھ سے زیادہ سیکورٹی اہلکارحصہ لیں گے۔
سخت سیکورٹی کے درمیان ہوگا امتحان
سبھی امتحانی مراکزکوپہلے ہی نیشنل ٹسٹنگ ایجنسی (این ٹی اے) کوسونپ دیا گیا ہے۔ امتحان کے دن مراکزپرتین سطح کی سیکورٹی نافذ رہے گی۔ افسران کے مطابق، سوال نامہ اورجوابی کاپیوں کی سیکورٹی کی ذمہ داری نیم فوجی دستوں کے پاس ہوگی۔ پورے ملک کے 5,000 سے زیادہ امتحانی مراکزپرسی سی ٹی وی کیمروں اورسیکورٹی اہلکاروں کی نگرانی رہے گی۔
سی سی ٹی وی پرہوگی مانیٹرنگ
این ٹی اے کو سبھی سی سی ٹی وی کیمروں کی لائیو فیڈ دستیاب رہے گی۔ اس کے علاوہ سوشل میڈیا پرنظررکھنے کے لئے ایک خصوصی نگرانی سینٹربھی بنایا گیا ہے، جوکسی بھی مشتبہ سرگرمیوں پرنظررکھے گا۔ امتحان کو دیکھتے ہوئے سبھی جانچ اورسیکورٹی ایجنسیوں کوالرٹ پررکھا گیا ہے۔ ضلع انتظامیہ کے ساتھ ساتھ ریاست اورمرکزی حکومت کے افسران بھی امتحان مراکزکے انتظامات کی نگرانی کریں گے۔
22 لاکھ طلبا ہوں گے شامل
21 جون کو ہونے والی نیٹ-یوجی ری ٹسٹ کے لئے تقریباً 22 لاکھ طلبا نے رجسٹریشن کرایا ہے۔ ان میں سے تقریباً 18 لاکھ طلبا اپنے ایڈمٹ کارڈ ڈاون لوڈ کرچکے ہیں۔ یہ ماک ڈرل امتحان سے پہلے سیکورٹی سسٹم، ایجنسیوں کے درمیان باہمی اتفاق اورتیاریوں کے جائزہ کے لئے منعقد کی جا رہی ہے۔ این ٹی اے نے واضح کیا ہے کہ اگرکسی امیدوارکا بایومیٹرک تصدیق تکنیکی خرابی، کمزورفنگرپرنٹ، یوآئی ڈی اے آئی کنیکٹیوٹی پریشانی یا کسی جسمانی وجہ سے نہیں ہوپاتا ہے، تواسے امتحان سے نہیں روکا جائے گا۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
