رانچی پولیس نے ہیمنت سورین کی طرف سے ایس ٹی-ایس سی تھانے میں درج معاملے میں پوچھ گچھ کے لیے ای ڈی افسران کو نوٹس بھیجا ہے۔ ای ڈی کے ایسوسی ایٹ ڈائریکٹر کپل راج، اسسٹنٹ ڈائریکٹر دیوورت جھا، انوپم کمار، امان پٹیل کو نوٹس بھیج کر پوچھ گچھ کے لیے بلایا گیا ہے۔دہلی اور رانچی کی میڈیا تنظیموں کو بھی نوٹس بھیجے گئے ہیں۔ رانچی پولیس نے سی آر پی سی 41اےکے تحت نوٹس بھیج کر پوچھ گچھ کے لیے بلایا ہے۔
میڈیا تنظیم کے صحافی کو بھیجے گئے نوٹس میں انہیں پیش ہونے اور معلومات فراہم کرنے کو کہا گیا ہے۔آپ کو بتا دیں کہ گرفتاری سے چند گھنٹے قبل ہیمنت سورین نے رانچی کے ایس ٹی-ایس سی پولیس اسٹیشن میں درخواست دائر کی تھی۔ ای ڈی افسران کے خلاف ایف آئی آر درج کر لی گئی تھی۔
ای ڈی کے ایسوسی ایٹ ڈائریکٹر کپل راج، اسسٹنٹ ڈائریکٹر دیوورت جھا، انوپم کمار، امان پٹیل کو رانچی پولیس نے سی آر پی سی 41 اے کے تحت نوٹس بھیج کر پوچھ گچھ کے لیے بلایا ہے۔رانچی کے گونڈا پولیس اسٹیشن میں حاضر ہوکر ان تمام کو نوٹس کا جواب دینا ہوگا۔ آپ کو بتا دیں کہ رانچی پولیس نے اس معاملے میں تفتیشی افسر بھی مقرر کیا ہے۔گونڈا تھانے کے انسپکٹر نول سنہا کو رانچی پولیس نے اس معاملے میں تفتیشی افسر بنایا ہے اور ان کی ہی نوٹس پر ای ڈی اور میڈیا اہلکار تھانے میں پہنچ کر ان کے سوالوں کا جواب دیں گے اور شواہد پیش کریں گے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
