پھلودی (راجستھان): راجستھان کے پھلودی علاقے میں اتوار کی صبح ایک دل دہلا دینے والے سڑک حادثے میں کم از کم 15 افراد ہلاک اور 2 دیگر زخمی ہو گئے۔ یہ حادثہ اُس وقت پیش آیا جب کولایت (بیكانیر) سے آنے والا ایک ٹیمپو ٹریولر بھارت مالا ہائی وے پر کھڑے ایک ٹریلر سے ٹکرا گیا۔ ضلع کلیکٹر شویتا چوہان کے مطابق، تمام لاشوں کو اوسیاں کے سرکاری اسپتال کے مردہ خانے میں رکھا گیا ہے، جبکہ زخمیوں کو بہتر علاج کے لیے جودھپور ریفر کر دیا گیا ہے۔
زخمیوں کے لیے گرین کوریڈور بنایا گیا
پولیس کمشنر اوم پرکاش پسوان نے بتایا کہ انتظامیہ نے زخمیوں کو فوری طبی امداد پہنچانے کے لیے گرین کوریڈور قائم کیا ہے تاکہ انہیں وقت پر اسپتال پہنچایا جا سکے۔ انہوں نے کہا ’’یہ ایک افسوسناک حادثہ ہے، ہماری اولین ترجیح زخمیوں کی جان بچانا ہے۔ جیسے ہی مزید تفصیلات ملیں گی، عوام کو آگاہ کیا جائے گا۔‘‘
फलोदी के मतोडा क्षेत्र में सड़क दुर्घटना में हुई जनहानि अत्यंत दुखद एवं हृदयविदारक है। मेरी संवेदनाएं शोकाकुल परिजनों के साथ हैं।
जिला प्रशासन के अधिकारियों को सभी घायलों का समुचित उपचार सुनिश्चित करने हेतु निर्देश दिए गए हैं। प्रभु से प्रार्थना है कि दिवंगत आत्माओं को शांति दें…
— Bhajanlal Sharma (@BhajanlalBjp) November 2, 2025
وزیراعلیٰ بھجن لال شرما کا اظہارغم
راجستھان کے وزیراعلیٰ بھجن لال شرما نے حادثے پر گہرے دکھ اور افسوس کا اظہار کرتے ہوئے اسے ’’انتہائی دردناک اور دل دہلا دینے والا سانحہ‘‘ قرار دیا۔ انہوں نے سوشل میڈیا پلیٹ فارم ایکس پر لکھا: ’’پھلودی کے مٹودا علاقے میں پیش آئے سڑک حادثے میں قیمتی جانوں کا ضیاع انتہائی افسوسناک ہے۔ میری ہمدردیاں سوگوار خاندانوں کے ساتھ ہیں۔‘‘ انہوں نے مزید کہا کہ ضلع انتظامیہ کو ہدایت دی گئی ہے کہ زخمیوں کو بہترین ممکنہ علاج فراہم کیا جائے۔ وزیراعلیٰ نے دعا کی کہ ” پربھو مرنے والوں کی روحوں کو سکون اور زخمیوں کو جلد صحت یابی دے۔‘‘
मुझे पटना में अभी समाचार मिला है कि फलोदी के मतोडा में सड़क हादसे में 15 लोगों की मृत्यु हुई है। यह सुनकर मन बेहद दुखी है। मैं ईश्वर से सभी दिवंगतों को अपने श्रीचरणों में स्थान देने एवं उनके परिजनों को हिम्मत देने तथा घायलों के जल्द स्वस्थ होने की प्रार्थना करता हूं।
— Ashok Gehlot (@ashokgehlot51) November 2, 2025
اشوک گہلوت کا بھی اظہار افسوس
سابق وزیراعلیٰ اور کانگریس کے سینئر رہنما اشوک گہلوت نے بھی حادثے پر گہرے دکھ کا اظہار کیا۔ انہوں نے لکھا: ’’پھلودی کے مٹودا علاقے میں سڑک حادثے میں 15 لوگوں کی موت کی خبر سن کر دل بے حد افسردہ ہے۔ خدا سے دعا ہے کہ جاں بحق افراد کو اپنی پناہ میں جگہ دے اور ان کے اہل خانہ کو یہ صدمہ برداشت کرنے کی طاقت دے، جبکہ زخمی جلد صحت یاب ہوں۔‘‘
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
