کانگریس لیڈر راہل گاندھی۔ فوٹو اے این آئی
تلنگانہ: کانگریس کے سینئر لیڈر راہل گاندھی نے اتوار کے روز تلنگانہ کے کھمم پہنچے جہاں انہوں نے ایک عوامی ریلی سے خطاب کیا۔ اس دوران انہوں نے تلنگانہ کے وزیر اعلی کے چندر شیکھر راؤ پر سخت حملہ کرتے ہوئے کہا کہ ان کا “ریموٹ کنٹرول” وزیر اعظم نریندر مودی کے پاس ہے۔ ریاست کی حکمراں جماعت بھارت راشٹرا سمیتی (BRS) کو ’’بی جے پی کی بی ٹیم‘‘ قرار دیتے ہوئے کانگریس لیڈر راہل گاندھی نے اس کا نیا نام’’بی جے پی رشتہ دار پارٹی‘‘ رکھا ہے۔ گاندھی نے الزام لگایا کہ راؤ اور ان کی پارٹی کے لیڈروں کے خلاف بدعنوانی کے الزامات نے انہیں (بی آر ایس) کو بی جے پی کے سامنے جھکنے پر مجبور کیا ہے۔
LIVE: Shri @RahulGandhi addresses the public at Khammam, Telangana. https://t.co/WZDCsLeQwT
— Congress (@INCIndia) July 2, 2023
گاندھی نے کہا کہ انہوں نے دیگر تمام اپوزیشن جماعتوں کے لیڈران سے کہا ہے کہ کانگریس ایسے کسی بھی گروپ میں شامل نہیں ہوگی جہاں بی آر ایس ہوگی۔ تلنگانہ کے کھمم میں ایک جلسہ عام سے خطاب کرتے ہوئے راہل گاندھی نے کہا، ”بی آر ایس بی جے پی کی رشتہ دار کمیٹی کی طرح ہے۔ کے سی آر (کے چندر شیکھر راؤ) کو لگتا ہے کہ وہ راجہ ہیں اور تلنگانہ ان کی ریاست ہے۔” انہوں نے کہا کہ کانگریس ہمیشہ سے پارلیمنٹ میں بی جے پی کے خلاف کھڑی رہی ہے، لیکن راؤ کی پارٹی “بی جے پی کی بی ٹیم” رہی ہے۔ کانگریس کے سابق صدر نے کہا کہ ’’وزیراعظم نریندر مودی کے پاس تلنگانہ کے چیف منسٹر کے چندر شیکھر راؤ کا ریموٹ کنٹرول ہے‘‘۔
संसद में कांग्रेस BJP के खिलाफ खड़ी रही, लेकिन TRS और तेलंगाना के मुख्यमंत्री ने BJP की B-टीम का काम किया।
जब हमने किसान बिल का मुद्दा उठाया तो संसद में TRS ने BJP की पूरी मदद की।
नरेंद्र मोदी जो चाहते हैं आपके CM कर देते हैं, क्योंकि नरेंद्र मोदी के हाथ में तेलंगाना के… pic.twitter.com/Rucs5uceUz
— Congress (@INCIndia) July 2, 2023
rahul
گاندھی نے کہا، “کانگریس پارٹی نے حال ہی میں کرناٹک میں بدعنوان اور غریب مخالف حکومت کے خلاف الیکشن لڑا تھا اور ہم نے انہیں ریاست کے غریبوں، او بی سی، اقلیتوں اور پسماندہ لوگوں کی حمایت سے شکست دی تھی۔” انہوں نے کہا کہ ایسا ہی کچھ تلنگانہ میں ہونے جا رہا ہے۔ ایک طرف ریاست کے امیر اور طاقتور لوگ ہوں گے اور دوسری طرف ہمارے ساتھ غریب، قبائلی، اقلیت، کسان اور چھوٹے دکاندار ہوں گے۔ کرناٹک میں جو ہوا وہی تلنگانہ میں بھی دہرایا جائے گا۔
تلنگانہ کے چیف منسٹر پر بدعنوانی کا الزام لگاتے ہوئے راہل نے کہا کہ سی ایم نے بدعنوانی میں کوئی کسر نہیں چھوڑی۔ انہوں نے کالیشورم پروجیکٹ سے ایک لاکھ کروڑ روپے چھین لیے۔ ‘بھارت جوڑو یاترا’ میں، آپ نے مجھے بتایا کہ کس طرح سی ایم دھرنی پورٹل سے آپ کی زمین چھین رہے ہیں۔ تلنگانہ کے وزیر اعلیٰ نے کسانوں، دلتوں، نوجوانوں، قبائلیوں سے تمام پیسہ چھین لیا ہے۔
भ्रष्टाचार में तेलंगाना के मुख्यमंत्री ने कोई कमी नहीं छोड़ी। कालेश्वरम प्रोजेक्ट में उन्होंने 1 लाख करोड़ रुपए छीने।
‘भारत जोड़ो यात्रा’ में आपने मुझे बताया था कि CM किस प्रकार से धरणी पोर्टल से आपकी जमीन छीन रहे हैं।
तेलंगाना के मुख्यमंत्री ने किसानों, दलितों, युवाओं,… pic.twitter.com/OIcvminECD
— Congress (@INCIndia) July 2, 2023
بھارت ایکسپریس۔
