سنبھل میں حالیہ دنوں مسجد کے سروے کے دوران ہوئے فساد میں پانچ معصوموں کی موت کے بعد ملک بھر میں سیاسی طوفان دیکھنے کو مل رہا ہے۔ اسی ضمن میں آج لوک سبھا میں قائد حزب اختلاف اور کانگریس لیڈر راہل گاندھی سنبھل جارہے ہیں ، حالانکہ راہل گاندھی کے ساتھ اس سفر میں ان کی بہن پرینکا گاندھی بھی ہیں ،ساتھ میں کانگریس کے کئی لیڈران اور پارٹی کارکنا کا ہجوم بھی دیکھنے کو مل رہا ہے۔ البتہ راہل گاندھی کا قافلہ جیسے ہی غازی پور بارڈر پہنچا وہاں یوپی پولیس نے انہیں روک دیا ہے۔ غازی پور بارڈر پر راہل پرینکا کے قافلے کو روک کر انہیں سمجھانے کی کوشش کی جارہی ہے اور انہیں بتایا جارہا ہے کہ سنبھل میں 10 دسمبر تک کسی بھی باہری کے داخلے پر پابندی ہے، اس لئے آپ وہاں نہیں جاسکتے ۔
#WATCH | Congress leaders including Lok Sabha LoP and MPs Rahul Gandhi and Priyanka Gandhi Vadra stopped at the Ghazipur border on the Delhi-Meerut Expressway.
They are on their way to violence-hit Sambhal. pic.twitter.com/q9rZxCaxmV
— ANI (@ANI) December 4, 2024
فی الحال غازی پور بارڈر پر راہل گاندھی کا قافلہ موجود ہے اور پولیس انہیں آگے نہیں جانے دے رہی ہے۔بات چیت کا سلسلہ بھی جاری ہے اور کانگریس کی طرف سے یہ کوشش کی جارہی ہے کہ کم سے کم پانچ افراد کے ایک وفد کو سنبھل جانے کی اجازت مل جائے تاکہ راہل پرینکا پر مشتمل ایک مختصر وفد وہاں جاکر متاثرین کے اہل خانہ سے ملاقات کرے اور ان کے دکھ میں ان کا ہمدرد ہونے کا ثبوت دے سکیں ۔ فی الحال راہل کا قافلہ غازی پور بارڈر پر موجود ہے۔راہل گاندھی نے اس دوران پولیس سے بات چیت کے دوران کہا کہ اگر آپ وفد کو نہیں جانے دیتے ہیں تو مجھے اکیلے جانے دیں، اگرآپ مجھے اپنی گاڑی میں نہیں جانے دے سکتے تو آپ اپنی گاڑی میں مجھے لے چلیں لیکن مجھے جانا ضرور ہے۔
راہل گاندھی کے ساتھ اس قافلے میں پرینکا گاندھی، کے سی وینو گوپال، عمران مسعود،اویناش پانڈے،اجئے رائے، تنوج پنیا بھی شامل ہیں ،وہیں دوسری جانب کنور دانش علی اور پپو یادو بھی اس سفر میں نظر آرہے ہیں۔
بھارت ایکسپریس۔
