بھارت اور امریکہ کے درمیان تجارتی معاہدے کی تفصیلات کو حتمی شکل دینے اور وسیع بی ٹی اے (BTA) کے تحت مذاکرات کو آگے بڑھانے کے لیے واشنگٹن میں امریکی ہم منصب کے ساتھ اہم ملاقات ہوئی، جسے وزارتِ تجارت و صنعت نے معاہدے کے لیے نہایت اہم قرار دیا۔ وزارت تجارت و صنعت کے مطابق دونوں ممالک نے مارکیٹ تک رسائی، نان ٹیرف اقدامات، تجارت میں تکنیکی رکاوٹیں، کسٹمز اور تجارت میں آسانی، سرمایہ کاری کے فروغ، اقتصادی سکیورٹی ہم آہنگی اور ڈیجیٹل تجارت جیسے اہم معاملات پر مذاکرات کے نئے دور میں پیش رفت کی ہے۔
بھارت-امریکہ شراکت داری سے متعلق امریکی سفیر سرجیو گور کا بیان
امریکی سفیر سرجیو گور نے سوشل میڈیا پلیٹ فارم ’ایکس‘ پر لکھا کہ چارلس ہارڈر کے دورۂ بھارت سے امریکہ-بھارت شراکت داری مزید مضبوط ہو رہی ہے۔ انہوں نے کہا کہ پبلک-پرائیویٹ شراکت داری اور مشترکہ سرمایہ کاری کے ماڈل کے ذریعے ایسے عملی حل پر کام کیا جا رہا ہے جو طویل مدتی استحکام اور ترقی کے لیے انسانی وسائل کو فروغ دیں۔پی آئی بی کے مطابق دونوں فریقین کے درمیان مختلف شعبوں میں تعمیری اور مثبت ماحول میں بات چیت ہوئی، جس میں اہم مسائل پر بامعنی اور دور اندیش گفتگو کی گئی اور نمایاں پیش رفت حاصل ہوئی۔ دونوں ممالک نے اس رفتار کو برقرار رکھنے کے عزم کا بھی اظہار کیا۔
عبوری تجارتی معاہدے کے فریم ورک پر اتفاق
بھارتی وفد نے 20 سے 23 اپریل کے درمیان اپنے امریکی ہم منصبوں کے ساتھ مذاکرات کیے۔ وزارت کے بیان کے مطابق یہ ملاقاتیں مثبت جذبے کے ساتھ ہوئیں اور دونوں فریقین آئندہ بھی اس عمل کو جاری رکھنے پر متفق ہیں۔واضح رہے کہ 7 فروری کو بھارت اور امریکہ نے ایک مشترکہ بیان جاری کیا تھا، جس میں باہمی فائدے کے لیے ایک عبوری تجارتی معاہدے کے فریم ورک پر اتفاق کیا گیا تھا، جو مستقبل میں بڑے دوطرفہ تجارتی معاہدے کی راہ ہموار کرے گا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
