وزیر اعظم نریندر مودی نے نیوزی لینڈ کے وزیر اعظم کرسٹوفر لکسن سے ٹیلی فون پر بات چیت کی۔ دونوں لیڈروں نے مشترکہ طور پر تاریخی، جرأت مندانہ اور دونوں ملکوں کے لیے فائدے مند بھارت-نیوزی لینڈ آزادانہ تجارتی معاہدے (ایف ٹی اے) کا اعلان کیا۔ مارچ 2025 میں وزیر اعظم لکسن کے بھارت دورے کے دوران اس معاہدے پرمذاکرات کا آغاز ہوا تھا۔ دونوں لیڈروں نے اس بات پر اتفاق کیا کہ ریکارڈ 9 ماہ کی مدت میں یہ ایف ٹی اے ہونے سے دونوں ممالک کے درمیان تعلقات کو مزید بڑھانے کے تئیں مشترکہ اور سیاسی عزم کا اظہار ہوتا ہے۔
اس ایف ٹی اے سے دو طرفہ اقتصادی روابط مزید مضبوط ہوں گے، بازار رسائی میں مزید بہتری آئے گی، سرمایہ کاری کو فروغ ملے گا ، دونوں ممالک کے درمیان اسٹریٹجک تعاون مستحکم ہوگا اور مختلف شعبوں میں دونوں ممالک کے اختراع کاروں، کاروباریوں، کسانوں، ایم ایس ایم ایز، طلباء اور نوجوانوں کے لیے نئے مواقع بھی پیدا ہوں گے۔
An important moment for India-New Zealand relations, with a strong push to bilateral trade and investment!
My friend PM Christopher Luxon and I had a very good conversation a short while ago following the conclusion of the landmark India-New Zealand Free Trade Agreement.…
— Narendra Modi (@narendramodi) December 22, 2025
ایف ٹی اے کے ذریعہ فراہم کردہ مضبوط اور قابل اعتماد بنیاد کے ساتھ، دونوں رہنماؤں نے اگلے پانچ سال میں دو طرفہ تجارت کو دوگنا کرنے نیز اگلے 15 سال میں نیوزی لینڈ کی طرف سے بھارت میں 20 ارب امریکی ڈالر کی سرمایہ کاری کئے جانے کے تعلق سےاعتماد کا اظہار کیا۔
دونوں لیڈروں نے کھیلوں، تعلیم اور عوام سے عوام کے تعلقات جیسے دو طرفہ تعاون کے دیگر شعبوں میں حاصل ہونے والی پیش رفت کا بھی خیرمقدم کیا اور بھارت-نیوزی لینڈ شراکت داری کو مزید مستحکم کرنے کے تئیں اپنے عزم کا اعادہ کیا۔ دونوں لیڈروں نے رابطے برقرار رکھنے پر اتفاق ظاہر کیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
