صدر دروپدی مرمو اور وزیر اعظم نریندر مودی نے تلنگانہ کے سنگاریڈی میں ایک فیکٹری میں ہوئے حادثے پر تعزیت کا اظہار کیا۔ اس کے ساتھ ہی مرکزی حکومت نے مرنے والوں کے لواحقین کو وزیر اعظم نیشنل ریلیف فنڈ (PMNRF) سے 2 لاکھ روپے اور زخمیوں کو 50,000 روپے کی مالی امداد کا اعلان کیا ہے۔
صدر جمہوریہ کے دفتر نے سوشل میڈیا پلیٹ فارم ’ایکس‘ پر لکھا کہ ’’تلنگانہ کے سنگاریڈی میں ایک فیکٹری میں آتش زدگی کے المناک حادثے پر گہرا دکھ ہوا، جس میں بہت سے لوگوں کی جانیں چلی گئیں۔ سوگوار خاندانوں کے ساتھ میری دلی تعزیت ہے۔ میں زخمیوں کی جلد صحت یابی کے لیے دعاگو ہوں۔‘‘
Deeply saddened by the tragic fire accident at a factory in Sangareddy, Telangana, which claimed several lives. My heartfelt condolences to the bereaved families. I pray for the speedy recovery of those injured.
— President of India (@rashtrapatibhvn) June 30, 2025
وہیں وزیر اعظم کے دفتر (پی ایم او) نے بھی سوشل میڈیا پلیٹ فارم ’ایکس پر ایک پوسٹ میں پی ایم مودی کے حوالے سے لکھا کہ ’’میں تلنگانہ کے سنگاریڈی میں ایک فیکٹری میں آتش زدگی کے واقعہ میں لوگوں کی موت سے غمزدہ ہوں۔ میں ان لوگوں کے تئیں اپنی تعزیت کا اظہار کرتا ہوں، جنھوں نے اپنے پیاروں کو کھو دیا ہے۔ زخمیوں کی جلد صحت یابی کے لیے دعا گو ہوں۔ مرنے والے کے لواحقین کو پی ایم این آر ایف سے دو دو لاکھ اور زخمیوں کو 50 ہزار کی امدادی رقم دی جائے گی۔‘‘
Anguished by the loss of lives due to a fire tragedy at a factory in Sangareddy, Telangana. Condolences to those who have lost their loved ones. May the injured recover soon.
An ex-gratia of Rs. 2 lakh from PMNRF would be given to the next of kin of each deceased. The injured…
— PMO India (@PMOIndia) June 30, 2025
واضح رہے کہ حیدرآباد کے پسومیلرام میں واقع ایک صنعتی یونٹ میں آج صبح زبردست دھماکے کی وجہ سے تقریباً 10 مزدوروں کی ہلاکت اور 20 کے زخمی ہونے کا خدشہ ہے۔ بتایا جا رہا ہے کہ یہ حادثہ ضلع سنگاریڈی کے صنعتی علاقے میں واقع ایک کیمیکل فیکٹری میں صبح تقریباً 9 بجے پیش آیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
