پی ایم مودی ہندوستان کے سیاسی تاریخ میں دوسرے ایسے وزیراعظم ہوگئے ہیں جنہوں نے زیادہ مدت تک وزارت عظمیٰ کی کرسی سنبھالی ہے۔انہوں نے سابق وزیر اعظم اندرا گاندھی کا ریکارڈ پیچھے چھوڑ دیا ہے۔ یہ بات قابل ذکر ہے کہ نریندر مودی اس اعزاز کو حاصل کرنے والے پہلے غیر کانگریسی وزیر اعظم ہیں۔ وہ آزادی کے بعد پیدا ہونے والے پہلے وزیر اعظم بھی ہیں، اور ایک غیر ہندی بولنے والی ریاست سے آنے والے سب سے طویل مدت تک خدمات انجام دینے والے وزیر اعظم ہیں۔وہیں اس حصولیابی پر مالدیپ کے صدر محمد معزو نے انہیں مبارکباد دی ۔انہوں نے کہا کہ گیارہ سال ساٹھ دنوں کی مسلسل محنت اور عوام کی فلاح وبہبود کے آپ کے جذبے کی اس حصولیابی کیلئے میں دل کی گہرائیوں سے آپ کو مبارکباد دیتا ہوں۔
بتادیں کہ نریندر مودی نے پہلی بار 26 مئی 2014 کو وزیر اعظم کے طور پر حلف لیا تھا۔ اب تک وہ 11 سال اور 60 دن تک خدمات انجام دے چکے ہیں۔ اس سے قبل اندرا گاندھی نے لگاتار 11 سال 59 دن خدمات انجام دی تھیں (24 جنوری 1966 – 24 مارچ 1977)۔ ہندوستان کے پہلے وزیر اعظم جواہر لال نہرو سب سے طویل مدت (16 سال 286 دن) تک وزیر اعظم رہے (15 اگست 1947 – 27 مئی 1964)۔
یاد رہے کہ وزیراعظم نریندر مودی نے آج مالدیپ کے صدر ڈاکٹر محمد معزو سے مالے میں صدر دفتر میں ملاقات کی۔ ملاقات سے قبل صدر معزو نے وزیراعظم کا استقبال کیا اور ریپبلک اسکوائر پر ان کا پرتپاک استقبال کیا۔ اس ملاقات میں گرمجوشی اور دونوں ممالک کے درمیان گہری دوستی کا اعادہ کیا گیا۔ وزیر اعظم نے مالدیپ کی آزادی کی 60 ویں جینتی کے تاریخی موقع اور دونوں ممالک کے درمیان سفارتی تعلقات کے قیام کی 60 ویں جینتی کے خصوصی موقع پر اپنی نیک خواہشات کا اظہار کیا۔دونوں رہنماؤں نے دوستی اور اعتماد کے گہرے رشتوں کو اجاگر کیا جو صدیوں سے قائم ہیں اور دونوں ممالک کے عوام کے درمیان مضبوط تعلقات کی وجہ سے مضبوط ہوئے ہیں۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
