وزیراعظم مودی نے من کی بات پروگرام میں 2025 تک ہندوستان سے ٹی بی کو ختم کرنے کا عزم کیا۔
Mann Ki Baat: وزیراعظم نریندر مودی ’من کی بات‘ پروگرام کے تحت ملک کے باشندوں کے ساتھ سنواد کیا۔ من کی بات پروگرام کا یہ 102واں ایڈیشن تھا۔ من کی بات پروگرام مہینے کے آخری اتوار کو نشر کیا جاتا ہے، لیکن اس بار یہ آج 18 جون کو ہی کیا گیا۔ وزیراعظم نریندر مودی نے کہا، عام طور پر ’من کی بات‘ ہرماہ کے آخری اتوار کو آپ کے پاس آتی ہے، لیکن اس بار یہ ایک ہفتے پہلے ہو رہا ہے۔
وزیراعظم نریندر مودی نے مزید کہا کہ آپ سبھی جانتے ہیں، میں آئندہ ہفتے امریکہ میں رہوں گا اور وہاں پروگرام کافی مصروف ہونے والا ہے اور اس لئے میں نے سوچا کہ میں جانے سے پہلے آپ سے بات کرلوں، اس سے بہتر کیا ہوسکتا ہے۔
بپرجائے طوفان کا کیا ذکر
بپرجائے طوفان کا ذکر کرتے ہوئے وزیراعظم نریندر مودی نے کہا کہ دو تین دن پہلے ہم نے دیکھا کہ ملک کے مغربی حصے میں کتنا بڑا سمندری طوفان آیا۔ تیز ہوائیں، بھاری بارش، کچھ میں سمندری طوفان بپرجائے نے بھاری تباہی مچائی ہے، لیکن کچھ کے لوگوں نے جس ہمت اور تیاری کے ساتھ اتنے خطرناک سمندری طوفان کا مقابلہ کیا، وہ بھی اتنا ہی شاندار ہے۔
India has set a target of eradicating TB by 2025. Ni-kshay Mitra has taken charge of this movement against TB. Thousands of people are adopting TB patients in rural areas. This is the true strength of India. The youth is also contributing to achieving the target of eradicating TB… pic.twitter.com/EXs4DQpdKh
— ANI (@ANI) June 18, 2023
انہوں نے کہا کہ کبھی دو دہائی پہلے آئے تباہ کن زلزلہ کے بعد کچھ کو کبھی نہ ابھرپانے والا کہا جاتا تھا۔ آج وہی ضلع ملک کے سب سے تیزی سے ترقی کرنے والے اضلاع میں سے ایک ہے۔ مجھے یقین ہے کہ کچھ کے لوگ بپرجائے سمندری طوفان سے ہوئی تباہی سے تیزی سے ابھریں گے۔
سال 2025 تک ٹی بی سے پاک کرنے کا عزم: وزیراعظم مودی
وزیراعظم مودی نے کہا کہ ہندوستان نے عزم کیا ہے کہ 2025 تک ٹی بی سے پاک ہندوستان بنانے کا… ہدف بہت بڑا ضرور ہے۔ ایک وقت تھا جب ٹی بی کا پتہ چلنے کے بعد فیملی کے لوگ ہی دور ہوجاتے تھے، لیکن یہ آج کا وقت ہے، جب ٹی بی کے مریض کو فیملی کا رکن بناکر ان کی مدد کی جا رہی ہے۔
بھارت ایکسپریس۔
