وزیر اعظم نریندر مودی ڈوڈا میں عوامی ریلی کو خطاب کرتے ہوئے۔
جموں وکشمیر کے ڈوڈا میں وزیراعظم نریندرمودی نے کانگریس، نیشنل کانفرنس اور پی ڈی پی پر بڑا حملہ بولا۔ انہوں نے کہا کہ جموں وکشمیرکا الیکشن تین خاندانوں اوریہاں کے نوجوانوں کے درمیان ہے۔ ان میں ایک خاندان کانگریس کا ہے۔ ایک خاندان نیشنل کانفرنس کا ہے اور ایک خاندان پی ڈی پی کا ہے۔ جموں وکشمیر میں ان تین خاندانوں نے مل کرآپ لوگوں کے ساتھ جو کیا ہے، وہ کسی پاپ سے کم نہیں ہے۔
ڈوڈا اسپورٹس اسٹیڈیم میں ایک بڑی عوامی ریلی کو خطاب کرتے ہوئے وزیراعظم مودی نے کہا کہ اس بار کا الیکشن جموں وکشمیر کی قسمت طے کرنا والا ہے۔ آزادی کے بعد سے ہی ہمارا پیارا جموں وکشمیر غیرملکی طاقتوں کے نشانے پرآگیا۔ اس کے بعد اس خوبصورت ریاست کو پریوار واد نے کھوکھلا کرنا شروع کردیا۔ یہاں جن سیاسی پارٹیوں پر آپ نے بھروسہ کیا، انہوں نے آپ کے بچوں کی فکرنہیں کی۔
#WATCH | Doda, J&K: Prime Minister Narendra Modi says “I want every child in Jammu and Kashmir to have access to good education. Over the past few years, the BJP govt has inaugurated various schools and colleges in J&K for the betterment of the youth. The long-standing demand for… pic.twitter.com/77TGOxUSRX
— ANI (@ANI) September 14, 2024
وزیراعظم مودی نے کہا کہ ان خاندانوں نے صرف اور صرف اپنے بچوں کو آگے بڑھایا۔ جموں وکشمیر کے میرے نوجوان دہشت گردی میں پستے رہے اور پریوار واد کو آگے بڑھانے والی پارٹیاں آپ کو گمراہ کرکے مزے لیتی رہی ہیں۔ ان لوگوں نے جموں وکشمیر میں نئی قیادت کو کہیں بھی، کبھی بھی ابھرنے ہی نہیں دیا۔ پریوارواد نے دہائیوں تک یہاں کے بچوں اور ہونہار نوجوانوں کو آگے نہیں آنے دیا۔
#WATCH | Doda, J&K: Prime Minister Narendra Modi says “…You remember that time when an undeclared curfew was imposed here as the day ended…The situation was such that even the Home Minister of the Congress government at the Centre was afraid of going to Lal Chowk…Terrorism… pic.twitter.com/84uJV0dvKX
— ANI (@ANI) September 14, 2024
وزیراعظم مودی نے کہا کہ آپ سب یہاں ڈوڈا، کشتواڑ اور رامبن کے الگ الگ حصوں سے پہنچے ہیں۔ یہاں آنے کے لئے آپ نے گھنٹوں سفرکیا ہے، اس کے باوجود آپ کے چہرے پرتھکان کا نام ونشان نہیں ہے۔ چاروں طرف جوش ہی جوش ہے۔ آپ کا یہ پیار، آپ کا یہ آشیرواد میں دوگنی، تین گنی محنت کرکے ادا کروں گا۔ ہم اورآپ مل کرایک محفوظ اور خوشحال جموں وکشمیرکی تعمیرکریں گے۔
بھارت ایکسپریس–
