وزیراعظم نریندر مودی آج مہاراشٹر کا دورہ کرنے والے تھے، مہاراشٹر کے پونے میں وزیراعظم نریندر مودی کو کئی ترقیاتی پروجیکٹ کو ہرجھنڈی دکھانا تھا ،لیکن موسم کی خرابی اور مسلسل بارش کی وجہ سے پی ایم مودی کا یہ دورہ منسوخ کردیا گیا ہے۔ آج پی ایم مودی اپنے اس دورے کے دوران پونے میں میٹرو ٹرین کوہری جھنڈی دکھانے والے تھے ،ساتھ 22.600 کروڑ کئی متعدد ترقیاتی پروجیکٹ کا بھی افتتاح کرنا تھا لیکن موسم اس قدر خراب ہے کہ وزیراعظم کا یہ دورہ منسوخ کرنا پڑا ہے۔
واضح رہے کہ ملک کی کئی ریاستوں میں ایک بار پھر طوفان کا اثر دیکھا جا رہا ہے۔ خاص طور پر ممبئی میں صورتحال خراب ہے۔ ممبئی میں بدھ کو شدید بارش ہوئی، نشیبی علاقوں میں پانی بھر گیا، لوکل ٹرینیں روک دی گئیں اور کم از کم 14 آنے والی پروازوں کا رخ موڑنا پڑا۔ ہندوستان کے محکمہ موسمیات (آئی ایم ڈی) نے ممبئی اور اس کے آس پاس کے اضلاع تھانے، پالگھر اور رائے گڑھ کے لیے ریڈ الرٹ جاری کیا ہے۔
PM Narendra Modi’s visit to Pune, Maharashtra cancelled due to the heavy rain situation in the city.
(File photo) pic.twitter.com/VJlrBepmzM
— ANI (@ANI) September 26, 2024
ممبئی میں شدید بارش کی وجہ سے برہان ممبئی میونسپل کارپوریشن (بی ایم سی) نے جمعرات کو تمام اسکولوں اور کالجوں میں تعطیل کا اعلان کیا ہے۔ ممبئی پولیس نے شہر اور آس پاس کے تمام لوگوں کو زیادہ سے زیادہ گھروں کے اندر رہنے کا مشورہ دیا ہے۔ مسلسل بارش کی وجہ سے تھانے کے ممبرا بائی پاس پر 25 ستمبر کی رات 9:30 بجے مٹی کا تودہ گر گیا، جس سے علاقے میں 3 گھنٹے سے زیادہ ٹریفک جام رہا۔ شام 5 بجے سے رات 10 بجے کے درمیان، پوائی میں 234 ملی میٹر بارش ہوئی، جب کہ مانخورد میں 276 ملی میٹر بارش ہوئی۔ اسی مدت کے دوران گھاٹ کوپر میں 259 ملی میٹر اور وکرولی میں 186 ملی میٹر بارش ریکارڈ کی گئی۔
ممبئی کے اندھیری علاقے میں کل رات تیز بارش کی وجہ سے ایک 45 سالہ خاتون کھلے مین ہول میں گر گئی۔ فائر بریگیڈ نے رات گئے مین ہول سے خاتون کی لاش کو باہر نکالا۔ حادثے میں 45 سالہ خاتون کی موت ہو گئی۔ خاتون کل رات تیز بارش میں گھر جارہی تھی جب یہ حادثہ پیش آیا۔ممبئی ہوائی اڈے پر پہنچنے والی تقریباً 14 پروازوں کو مختلف مقامات کی طرف موڑ دیا گیا کیونکہ تیز ہواؤں اور شدید بارش کی وجہ سے انہیں اترنے کی اجازت نہیں دی گئی۔ بارش کی وجہ سے کئی ٹرینوں کو بھی روکنا پڑا، جس سے بڑے پیمانے پر خلل پڑا۔ آئی ایم ڈی کے مطابق خطے کے مختلف مقامات پر 27 ستمبر تک موسلادھار بارشوں کا سلسلہ جاری رہنے کا امکان ہے۔ طلباء کی حفاظت کو مدنظر رکھتے ہوئے ممبئی کے تمام اسکولوں اور کالجوں میں کل بروز جمعرات 26 ستمبر 2024 کو چھٹی کا اعلان کیا گیا ہے۔ بی ایم سی نے لوگوں کو مشورہ دیا ہے کہ وہ صرف ضروری ہونے پر ہی اپنے گھر سے نکلیں۔
بھارت ایکسپریس۔
