وزیر اعظم نریندر مودی نے ایمرجنسی کے 50 سال مکمل ہونے پر کانگریس پر بڑا حملہ کیا ہے۔
50 Years Of Emergency: ملک میں 50 سال پہلے اندرا گاندھی کے دوراقتدار میں 25 جون، 1975 کو لگائی گئی ایمرجنسی سے متعلق بی جے پی یوم سیاہ کے طور پر منا رہی ہے۔ اسی ضمن میں وزیراعظم نریندر مودی نے ایکس پر ایک پوسٹ شیئرکیا ہے، جس میں انہوں نے لکھا ہے ”آج کا دن ان سبھی عظیم مردوخواتین کو خراج عقیدت پیش کرنے کا ہے، جنہوں نے ایمرجنسی کی مخالفت کی۔“
وزیراعظم مودی کا ٹوئٹ
وزیراعظم مودی اس پوسٹ میں مزید لکھتے ہیں، ”ایمرجنسی کا کالا دن ہمیں یاد دلاتا ہے کہ کیسے کانگریس پارٹی نے بنیادی آزادی کو برباد کردیا اورہندوستان کے آئین کوکچل دیا تھا، جس کا ہرہندوستانی بہت احترام کرتا ہے۔“
Today is a day to pay homage to all those great men and women who resisted the Emergency.
The #DarkDaysOfEmergency remind us of how the Congress Party subverted basic freedoms and trampled over the Constitution of India which every Indian respects greatly.
— Narendra Modi (@narendramodi) June 25, 2024
ملک کو جیل خانہ بنا دیا
وزیراعظم نریندرمودی نے لکھا کہ اقتدار پربنے رہنے کے لئے اس وقت کی کانگریس حکومت نے ہرجمہوری اصولوں کی خلاف ورزی کی اورملک کوجیل خانہ بنا دیا۔ جو بھی شخص کانگریس سے متفق نہیں ہوتا تھا، اس پرظلم کیا جاتا تھا۔ سب سے کمزورطبقات کونشانہ بنانے کے لئے سماجی طورپررجعت پسندانہ پالیسیاں نافذکی گئیں۔ جن لوگوں نے ایمرجنسی لگائی، انہیں ہمارے آئین سے محبت کا اظہارکرنے کا کوئی حق نہیں۔ یہ وہی لوگ ہیں، جنہوں نے لاتعداد مواقع پرآرٹیکل 356 لگایا، پریس کی آزادی کوتباہ کرنے کے بل لائے، وفاقیت کو تباہ کیا اور آئین کے ہرپہلوکی خلاف ورزی کی۔
یہ بھی پڑھیں: Emergency Anniversary: اندرا گاندھی نے 50 سال پہلے کیوں لگائی تھی ایمرجنسی؟ کیا کیا تھیں پابندیاں؟
وزیراعظم نریندرمودی نے کہا کہ جس ذہنیت کی وجہ سے ایمرجنسی لگائی گئی تھی، وہ ذہنیت آج بھی اسی پارٹی میں زندہ ہے۔ وہ اپنی علامت کے ذریعے آئین کے تئیں اپنی نفرت چھپاتے ہیں، لیکن ہندوستان کے لوگ ان کے ارادوں سے پوری طرح واقف ہیں، اس لئے وہ انہیں باربارمستردکررہے ہیں۔
بھارت ایکسپریس۔
