وزیر اعظم نریندر مودی 10 اگست کو کرناٹک کے دارالحکومت بنگلورو کا دورہ کریں گے جہاں وہ متعدد اہم منصوبوں کا افتتاح اور سنگ بنیاد رکھیں گے۔ وزیر اعظم صبح تقریباً 11 بجے بنگلورو کے کے ایس آر ریلوے اسٹیشن پر تین وندے بھارت ایکسپریس ٹرینوں کو جھنڈی دکھا کر روانہ کریں گے۔ اس کے بعد وزیر اعظم بنگلورو میٹرو کی یلو لائن کو جھنڈی دکھا کر روانہ کریں گے اور آر وی روڈ (راگی گڈا) سے الیکٹرانک سٹی میٹرو اسٹیشن تک میٹرو کے ذریعے سفر کریں گے۔
تقریباً دوپہر 1 بجے وزیر اعظم مودی شہری رابطے کے مختلف منصوبوں کا افتتاح اور سنگ بنیاد رکھیں گے اور عوامی اجتماع سے خطاب بھی کریں گے۔ وزیر اعظم نریندر مودی بنگلورو میٹرو کے فیز-2 پروجیکٹ کے آر وی روڈ (راگی گڈا) سے بومسندرا تک یلو لائن کا افتتاح کریں گے، جس کی کل لاگت تقریباً 7160 کروڑ روپے ہے۔ اس منصوبے کی لمبائی 19 کلومیٹر سے زائد ہے جس میں 16 اسٹیشن شامل ہیں۔ اس لائن کے افتتاح کے بعد بنگلورو کے میٹرو نیٹ ورک کی کل لمبائی 96 کلومیٹر سے تجاوز کر جائے گی، جو علاقے کی بڑی آبادی کو سہولت فراہم کرے گا۔
Look forward to being among the people of Bengaluru tomorrow, 10th August. From the KSR Railway Station, 3 Vande Bharat Express trains will be flagged off which will enhance connectivity. In a boost for Bengaluru’s urban infrastructure, Yellow Line of Bengaluru Metro will be…
— Narendra Modi (@narendramodi) August 9, 2025
اس کے علاوہ پی ایم مودی فیز-3 پروجیکٹ کا سنگ بنیاد بھی رکھیں گے جس کی لاگت 15610 کروڑ روپے سے زائد ہے۔ اس منصوبے کی روٹ لمبائی 44 کلومیٹر ہوگی اور اس میں 31 ایلیویٹڈ اسٹیشن شامل ہوں گے۔ یہ پروجیکٹ رہائشی، صنعتی، تجارتی اور تعلیمی علاقوں کے بڑھتے ہوئے آمد و رفت کے تقاضوں کو پورا کرے گا۔ مزید برآں وزیر اعظم بنگلورو سے تین وندے بھارت ایکسپریس ٹرینوں کو بھی جھنڈی دکھا کر روانہ کریں گے، جن میں بنگلورو سے بیلگاوی، امرتسر سے سری ماتا ویشنو دیوی کٹرا اور ناگپور (اجنی) سے پونے تک کی ٹرینیں شامل ہیں۔ یہ تیز رفتار ٹرینیں علاقائی رابطے کو بہتر بنائیں گی، سفر کے وقت کو کم کریں گی اور مسافروں کو عالمی معیار کی سہولت فراہم کریں گی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
