نئی دہلی: وزیراعظم نریندرمودی نے یوکرین کے صدرولادیمیرزیلنسکی کے ساتھ فون پربات چیت کی۔ اس دوران صدرزیلنسکی نے یوکرین میں جاری جنگ کے حالیہ حالات پراپنا نقطۂ نظرپیش کیا۔ وزیراعظم مودی نے بھارت کے انسانی مرکزنقطۂ نظرکا اعادہ کرتے ہوئے کہا کہ اس مسئلے کا حل صرف بات چیت اورسفارت کاری کے ذریعہ ہی نکالا جا سکتا ہے۔
وزیراعظم نریندرمودی نے امن کی کوششوں میں بھارت کی جانب سے ہرممکن تعاون کے عزم کا بھی اظہارکیا۔ اس کے علاوہ دونوں لیڈران نے اپنے ممالک کے درمیان باہمی تعاون کومزید مضبوط بنانے پربھی تبادلہ خیال کیا۔وزیر اعظم نریندرمودی نے سوشل میڈیا پراس گفتگوکی معلومات دیتے ہوئے کہا کہ صدرزیلنسکی کے ساتھ ان کی ٹیلی فون پرانتہائی بامعنی بات چیت ہوئی۔
پرامن حل کے لیے بھارت کا ہر ممکن تعاون
وزیراعظم مودی نے کہا، ’’میں نے صدرزیلنسکی کا شکریہ ادا کیا کہ انہوں نے جاری تنازع، اس کے انسانی پہلوؤں اورامن کی بحالی کے لیے کی جانے والی مختلف کوششوں پراپنے خیالات سے آگاہ کیا۔ میں نے پرامن حل کی سمت میں ہرممکن طریقے سے تعاون دینے کے لئے بھارت کے پختہ عزم کا اعادہ کیا۔‘‘
Glad to have had a productive telephone conversation with President Zelenskyy. We reviewed our wide-ranging bilateral cooperation and agreed to further strengthen India-Ukraine ties.
I thanked President Zelenskyy for sharing his perspectives on the ongoing conflict, its humanitarian aspects and various efforts to restore peace. Reiterated India’s firm commitment to contributing in every possible way towards a peaceful resolution.
@ZelenskyyUA
— Narendra Modi (@narendramodi) November 9, 2026
ابو ظہبی میں ہونے والی ملاقات پر بھی گفتگو
یوکرین کے صدرولادیمیرزیلنسکی نے بتایا کہ انہوں نے وزیراعظم مودی کوابوظہبی میں ہونے والی آئندہ ملاقات کی تیاریوں اورسفارتی اقدامات کے بارے میں آگاہ کیا۔ زیلنسکی نے کہا کہ یوکرین ہرمعاملے پربات چیت کے لئے تیار ہے اور روس کو بھی کشیدگی کم کرنے کے لئے اسی طرح کی آمادگی کا مظاہرہ کرنا چاہئے۔
’فوڈ کوریڈور‘ میں بھارت کے کردار پر زور
یوکرینی صدرولادیمیرزیلنسکی نے بحیرہ اسود کے راستے اناج کی برآمد میں پیش آنے والی رکاوٹوں کا ذکرکرتے ہوئے ’فوڈ کوریڈور‘ قائم کرنے میں بھارت کے کردارپرزوردیا۔ انہوں نے کہا کہ وزیراعظم مودی نے اس سمت میں ثالثی کرنے کی خواہش ظاہرکی ہے۔ زیلنسکی کے مطابق، اناج کی سپلائی متاثرہونے سے عالمی معیشت اورکروڑوں لوگ متاثرہورہے ہیں۔ اسی لئے غذائی تحفظ کے معاملے پردونوں ممالک کی ٹیمیں مسلسل رابطے میں رہیں گی۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
