وزیراعظم نریندر مودی کو سویڈن نے اپنے اعلیٰ ترین اعزاز ’رائل آرڈر آف دی پولر اسٹار، کمانڈر گرینڈ کراس‘ سے نوازا ہے۔ اس پر کلکی دھام کے پیٹھادھیشور آچاریہ پرمود کرشنم نے تعریف کرتے ہوئے کہا کہ وزیر اعظم کی زندگی کا ہر لمحہ قوم کے لیے وقف ہے۔ یہ اعزاز پورے ملک کے لیے فخر کا باعث ہے۔
وزیر اعظم مودی کو ایک نظریہ
آچاریہ پرمود کرشنم نے وزیر اعظم مودی کو ایک نظریہ قرار دیا۔ انہوں نے کہا کہ پی ایم مودی صرف ایک شخص نہیں بلکہ ایک فکر ہیں۔ ان کی زندگی کا ہر لمحہ ملک کے نام وقف ہے۔ بیرون ملک ملنے والا یہ اعزاز پورے بھارت کے لیے ہے۔ سویڈن میں وزیر اعظم کو ملا یہ احترام پورے ملک کے لیے باعثِ فخر ہے اور ہر بھارتی اس پر خوش ہے۔
متنازع بھوج شالا-کمال مولا مسجد کمپلیکس
مدھیہ پردیش ہائی کورٹ نے دھار میں واقع متنازع بھوج شالا-کمال مولا مسجد کمپلیکس کو واگ دیوی مندر کے طور پر تسلیم کرتے ہوئے فیصلہ سنایا ہے۔ اس پر ردعمل دیتے ہوئے آچاریہ پرمود کرشنم کا خیال ہے کہ بھوج شالا دراصل مندر ہی تھا۔ ان کے نزدیک مدھیہ پردیش ہائی کورٹ کا فیصلہ صحیح ہے۔انہوں نے کہا کہ آپ پوجا کریں یا نہ کریں، ہندو دھرم کو مانیں یا نہ مانیں، لیکن اگر علم حاصل کرنا ہے تو یہاں آنا ہی ہوگا۔
اسدالدین اویسی پر ملک توڑنے کا الزام
آچاریہ نے اے آئی ایم آئی ایم کے سربراہ اسدالدین اویسی کے اس بیان پر بھی جوابی حملہ کیا، جس میں انہوں نے کہا تھا کہ ہائی کورٹ کا یہ فیصلہ بابری مسجد جیسے معاملے کی یاد دلاتا ہے۔ اس پر آچاریہ پرمود کرشنم نے کہا کہ اسدالدین اویسی اس ملک کو توڑ کر ایک اور پاکستان بنانا چاہتے ہیں۔ میں بھگوان سے پرارتھنا کرتا ہوں کہ انہیں نیک عقل عطا کرے اورحب الوطن سکھائے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
