یروشلم: وزیراعظم نریندر مودی نے بدھ کے روز اپنے دو روزہ سرکاری دورۂ اسرائیل کے دوران اسرائیلی پارلیمنٹ کنیست کے شاگال ہال میں گیسٹ بُک میں دستخط کیے۔ اس موقع پر انہوں نے کنیسٹ میں گل دائرہ نذر کرکے خراج عقیدت بھی پیش کیا۔ وزیراعظم نریندر مودی نے اسرائیل کے وزیر اعظم بنیامین نیتن یاہو کے ہمراہ اسرائیلی اور بھارتی پرچم لہراتے بچوں سے ملاقات کی۔ انہوں نے کمسن بچوں سے بات چیت کی اور نوجوانوں نے جوش و خروش کے ساتھ ان کے ساتھ سیلفیاں بھی لیں۔
بنیامن نیتن یاہو سے دو طرفہ ملاقات
ملک پہنچنے کے فوراً بعد وزیراعظم مودی نے کہا کہ ان کی اسرائیلی ہم منصب بنیامین نیتن یاہو کے ساتھ ’’انتہائی مفید ملاقات‘‘ ہوئی، جس میں باہمی تعلقات کو مزید مستحکم بنانے کے لیے مختلف امور پر تبادلہ خیال کیا گیا۔ انہوں نے کہا کہ انہیں اپنے دوست بنیامن نیتن یاہو کی جانب سے دیے گئے گرمجوش استقبال نے گہرائی سے متاثر کیا۔ انہوں نے اپنے پیغام میں کہا: ’’ہند-اسرائیل دوستی مزید بلندیوں کو چھوتی رہے!‘‘ وزیراعظم نے بتایا کہ ملاقات کے دوران ٹیکنالوجی، آبی وسائل کے انتظام، زراعت، ٹیلنٹ شراکت داری اور دیگر شعبوں میں تعاون کے وسیع امکانات پر گفتگو ہوئی۔ اس کے علاوہ خطے کی اہم پیش رفت پر بھی تبادلہ خیال کیا گیا۔ بنیامین نیتن یاہو نے اس دورے کو تاریخی قرار دیتے ہوئے کہا کہ وہ اور ان کی اہلیہ سارا نیتن یاہو اپنے قریبی دوست، ہندوستان کے وزیراعظم نریندر مودی کا خیرمقدم کرتے ہوئے خوش ہیں۔ انہوں نے کہا کہ 2017 میں وزیراعظم مودی کا اسرائیل کا دورہ اور اس کے بعد ان کا ہندوستان کا جوابی دورہ غیر معمولی اہمیت کا حامل تھا۔ ان کے مطابق دونوں رہنماؤں کے درمیان قریبی ذاتی تعلقات دونوں ممالک کے تعلقات کی مضبوطی کی عکاسی کرتے ہیں۔
ثقافتی پروگرام اور بھارتی برادری کا جوش
تل ابیب پہنچنے پر وزیراعظم مودی کا رنگا رنگ ہندوستانی ثقافتی پروگراموں کے ساتھ شاندار استقبال کیا گیا۔ ہندوستان کے مختلف حصوں کی موسیقی اور رقص پیش کیے گئے، جنہوں نے بھارتی تہذیب کے تنوع کو اجاگر کیا۔ بھارتی برادری نے بھی پُرجوش انداز میں ان کا خیرمقدم کیا۔ یہ دورہ ہندوستان اور اسرائیل کے درمیان مضبوط اور ہمہ جہت اسٹریٹجک شراکت داری کی عکاسی کرتا ہے، جو سفارتی، تکنیکی اور ثقافتی میدانوں میں تیزی سے فروغ پا رہی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
