نئی دہلی: وزیر اعظم نریندر مودی نے پیر کو سوشل میڈیا پلیٹ فارم ایکس پر سنسکرت کا ایک ویدک منتر شیئر کیا۔ یہ منتر قدرت کے اہم عناصر ہوا، سورج اور بارش سے وابستہ دیوتا سے خوشی، امن اور فلاح و بہبود کی دعا کرتا ہے۔ پی ایم مودی نے شکل یجروید سنہتا کے 36ویں ادھیائے کے 10ویں منتر کو شیئر کرتے ہوئے انسان اور قدرت کے درمیان گہرے تعلق کی جانب توجہ دلائی۔
وزیر اعظم نے لکھا:
शं नो वातः पवतां शं नस्तपतु सूर्यः।
शं नः कनिक्रदद् देवः पर्जन्योऽभिवर्षतु॥
اس منتر کا مفہوم ہے کہ ہوا ہمارے لیے خوشگوار، پاکیزہ اورفائدہ بخش ہوکر چلے۔ سورج کی حرارت بھی زندگی کے لیے سازگار رہے اور پرجنیہ دیو ایسی بارش برسائیں جو وقت پر ہو، تاکہ زمین اور انسانی زندگی خوشحال رہے۔
शं नो वातः पवतां शं नस्तपतु सूर्यः।
शं नः कनिक्रदद् देवः पर्जन्योऽभिवर्षतु॥ pic.twitter.com/76Ihi3JKkU
— Narendra Modi (@narendramodi) September 7, 2026
قدرت کے توازن کے لیے پرارتھنا
اسے قدرت، انسان اور پوری کائنات کے درمیان توازن اور فلاح و بہبود کے جذبے سے جڑی پرارتھناکے طور پر دیکھا جاتا ہے۔ویدک روایت میں قدرت کو زندگی کی بنیاد قرار دیا گیا ہے۔ ہوا، سورج کی روشنی اور پانی کے بغیر انسانی زندگی اور زراعت کا تصور مشکل ہے۔ یہی وجہ ہے کہ اس منتر میں قدرت کی ان طاقتوں کے سازگار اور فلاح بخش رہنے کی دعا کی گئی ہے۔
زراعت اور انسانی زندگی سے براہ راست تعلق
ہوا جہاں صاف سانس لینے اور قدرتی چکر کے لیے ضروری ہے، وہیں سورج توانائی کا بنیادی ذریعہ ہونے کے ساتھ درختوں اور پودوں میں ضیائی تالیف (Photosynthesis) کے عمل کے لیے بھی انتہائی اہم ہے۔اسی طرح بارش کا کھیتوں اور آبی ذخائر سے براہ راست تعلق ہے۔ اگر مناسب مقدار میں وقت پر بارش ہو تو فصل اچھی ہوتی ہے اور خشک سالی یا قحط اور بھوک جیسے حالات سے بچنے میں مدد ملتی ہے۔ویدک منتر کے ذریعے قدرت کے انہی عناصر کے متوازن اور سازگار رہنے کی پرارتھنا کی گئی ہے، جو انسانی زندگی، زراعت اور مجموعی طور پر زمین پر زندگی کے تسلسل کے لیے بنیادی اہمیت رکھتے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
