وزیراعظم نریندر مودی نے ایک بار پھر سوشل میڈیا کے ذریعے ملک کے عوام، خصوصاً نوجوانوں کو سناتن روایات، اخلاقی اقدار اور زندگی کے بنیادی اصولوں کا پیغام دیا ہے۔ انہوں نے سوشل میڈیا پلیٹ فارم ایکس پر ایک بامعنی سنسکرت سُبھاشِت شیئر کرتے ہوئے نوجوانوں کو کامیاب زندگی اور ترقی یافتہ بھارت کی تعمیر کے لیے علم، ہنر، صحت اور اطمینان کی اہمیت سمجھائی۔ وزیراعظم کی اس پوسٹ کو سوشل میڈیا پر بڑی تعداد میں لوگوں نے سراہا اور اسے نوجوانوں کے لیے ایک حوصلہ افزا پیغام قرار دیا۔ مودی نے کہا کہ جب تک نوجوان نسل علم، مہارت اور اچھی صحت کو اپنی زندگی کا حصہ نہیں بنائے گی، تب تک ایک مضبوط اور ترقی یافتہ قوم کی تعمیر ممکن نہیں۔
وزیراعظم مودی نے کامیابی کا آسان راستہ بتایا
وزیراعظم نریندر مودی نے بدھ کے روز اپنے پیغام میں لکھا کہ علم انسان میں بصیرت پیدا کرتا ہے، ہنر ترقی کی راہ ہموار کرتا ہے اور بہترین صحت ہر عزم کو کامیابی میں بدلنے کی طاقت دیتی ہے۔انہوں نے کہا کہ آج بھارت کے باصلاحیت نوجوان انہی عظیم خوبیوں کو اپنا کر عالمی سطح پر ملک کی شناخت کو مزید مضبوط بنا رہے ہیں۔ ان کے مطابق یہ اوصاف نہ صرف ذاتی کامیابی بلکہ ترقی یافتہ بھارت کے خواب کو حقیقت میں بدلنے کی بنیاد ہیں۔
سوشل میڈیا پر سنسکرت شلوک
اپنے پیغام کے ساتھ وزیراعظم نے ایک سنسکرت شلوک بھی شیئر جس کی تشریح کرتے ہوئے مودی نے کہا کہ تمام خوبیوں میں ہنر سب سے بہتر ہے، تمام دولتوں میں علم سب سے قیمتی سرمایہ ہے، زندگی کے تمام فوائد میں اچھی صحت سب سے بڑا فائدہ ہے اور دنیا کی تمام خوشیوں میں اطمینان اور قناعت سب سے اعلیٰ نعمت ہے۔
विद्या से विवेक, कौशल से विकास और उत्तम स्वास्थ्य से हर संकल्प को सिद्धि मिलती है। आज हमारे युवा इन्हीं गुणों को आत्मसात कर देश की पहचान को और सशक्त बना रहे हैं।
धन्यानामुत्तमं दाक्ष्यं धनानामुत्तमं श्रुतम्।
लाभानां श्रेय आरोग्यं सुखानां तुष्टिरुत्तमा।। pic.twitter.com/PAdc1EH63L
— Narendra Modi (@narendramodi) July 15, 2026
سورج اور روشنی کی مثال سے دیا پیغام
وزیراعظم نے یاد دلایا کہ اس سے ایک روز قبل بھی انہوں نے ایک سنسکرت شلوک شیئر کیا تھا، جس میں سورج اور اس کی روشنی کی مثال دیتے ہوئے باہمی انحصار اور اجتماعی ترقی کی اہمیت بیان کی گئی تھی۔ انہوں نے کہا تھا کہ جس طرح سورج اپنی روشنی کے بغیر نظر نہیں آ سکتا اور روشنی کا وجود سورج کے بغیر ممکن نہیں، اسی طرح معاشرے کی ترقی بھی تمام طبقات کے تعاون سے ہی ممکن ہے۔
عوامی نمائندوں کو فرض یاد دلایا
اس سے قبل پیر کے روز بھی وزیراعظم مودی نے ایک سنسکرت شلوک کے ذریعے عوامی نمائندوں کو ان کی ذمہ داریوں کی یاد دہانی کرائی تھی۔ انہوں نے کہا تھا کہ بیٹیوں کے حقوق کا تحفظ، نوجوان نسل کی تعلیم و تربیت، اور ملک کی سلامتی، یکجہتی اور خوشحالی کے لیے مسلسل کام کرنا ہر عوامی نمائندے کی اولین ذمہ داری ہے۔ ان کے مطابق جب ہر شہری کی زندگی میں مثبت تبدیلی آئے گی، تبھی ملک حقیقی معنوں میں ترقی کی نئی منزلیں طے کرے گا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
