وزیر اعظم نریندر مودی ایک تاریخی اور مذہبی رسم میں شرکت کے لیے ایودھیا دھام پہنچ چکے ہیں۔ وِواہ پنچمی کے موقع پر وزیر اعظم مودی رام جنم بھومی مندر کے شکھر پر پرچم کشائی کی تقریب میں حصہ لیں گے۔ مہارشی بالمیکی ایئرپورٹ پر گورنر آنندی بین پٹیل اور وزیر اعلیٰ یوگی آدتیہ ناتھ نے ان کا گرمجوشی سے استقبال کیا۔ مندر کے گربھ گرہ میں داخل ہونے سے پہلے وزیر اعظم مودی نے شاندار روڈ شو کیا اور سپت رشیوں کے مندروں میں سر جھکایا۔ یہ دورہ نہ صرف سیاسی بلکہ ثقافتی اور مذہبی اعتبار سے بھی انتہائی اہمیت رکھتا ہے۔
وزیر اعظم مودی منگل کو دہلی سے ایودھیا کے مہارشی بالمیکی ایئرپورٹ پہنچے۔ یہاں سے وہ ہیلی کاپٹر کے ذریعے ساکیت مہاویدیالیہ گئے۔ اس کے بعد انہوں نے تاریخی پرچم کشائی تقریب سے پہلے ایودھیا میں روڈ شو کیا، جس کے ذریعے وہ رام مندر تک پہنچیں گے۔ ایودھیا پہنچنے کے بعد وزیر اعظم نریندر مودی نے فیس بک پوسٹ میں لکھا۔’’شری رام جنم بھومی مندر میں دھوجا روہن اتسو میں حصہ لینے کے لیے ایودھیا پہنچا ہوں۔‘‘
بہت خاص ہے وزیر اعظم مودی کا دورہ
وزیر اعظم مودی کا یہ ایودھیا دورہ روحانی طور پر بے حد اہم ہے۔ وہ مہارشی وششتھ، مہارشی وشوامتر، مہارشی اگستیہ، مہارشی بالمیکی، دیوی اہلیہ، نشادراج گوہا اور ماتا شبری مندر میں سر جھکائیں گے۔ اس کے بعد وہ شیش اوتار مندر بھی جائیں گے۔ صبح تقریباً 11 بجے وہ ماتا انپورنا مندر بھی جائیں گے۔ اس کے بعد رام دربار کے گربھ گرہ میں درشن اور پوجن کریں گے۔ وزیر اعلیٰ یوگی آدتیہ ناتھ نے سوشل میڈیا پلیٹ فارم ایکس پر لکھا:’’سَپْت پُریوں میں بہترین شری ایودھیا دھام میں وزیر اعظم نریندر مودی کا دلی خیرمقدم اور استقبال۔‘‘
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
