وزیر اعظم نریندر مودی نے ہفتہ کے روز سابق مرکزی وزیر رام ولاس پاسوان کو ان کی جینتی پر دل کی گہرائیوں سے خراج عقیدت پیش کرتے ہوئے انھیں ایک لیڈر کے طور پر یاد کیا، جنھوں نے اپنی پوری زندگی سماجی انصاف اور پس ماندہ طبقات کی فلاح و بہبود کے لیے وقف کر دی تھی۔ غیرملکی دورے کی مصروفیت کے باوجود پی ایم نے اس حوالے سے سوشل میڈیا پلیٹ فارم ’ایکس‘ پر پوسٹ کرتے ہوئے اپنے جذبات کا اظہار کیا۔
وزیر اعظم نے سماجی انصاف کے تئیں رام ولاس پاسوان کی غیر متزلزل وابستگی اور خاص طور پر دلتوں، پسماندہ طبقات اور دیگر پسماندہ برادریوں کی بہتری کے لیے ان کی کوششوں کی تعریف کرتے ہوئے پوسٹ میں لکھا کہ ’’سابق مرکزی وزیر رام ولاس پاسوان جی کو ان کی جینتی پرعاجزانہ خراج عقیدت۔ ان کی پوری زندگی سماجی انصاف کے لیے وقف تھی۔ دلتوں، پسماندہ اور محروموں کے حقوق کے لیے ان کی جدوجہد کو کبھی فراموش نہیں کیا جا سکتا۔‘‘
पूर्व केंद्रीय मंत्री रामविलास पासवान जी को उनकी जयंती पर विनम्र श्रद्धांजलि। उनका संपूर्ण जीवन सामाजिक न्याय को समर्पित रहा। दलितों, पिछड़ों और वंचितों के अधिकारों के लिए उनके संघर्ष को कभी भुलाया नहीं जा सकता। pic.twitter.com/SCqIav16He
— Narendra Modi (@narendramodi) July 5, 2025
واضح رہے کہ رام ولاس پاسوان ایک تجربہ کار سیاست دان اور منتظم تھے جنھوں نے بی جے پی، کانگریس اور سوشلسٹ پارٹیوں کی قیادت والی حکومتوں سمیت متعدد حکومتوں میں بطور وزیر خدمات انجام دیں۔ پسماندہ افراد کے لیے مسلسل وکالت اور ان کی دیرینہ عوامی خدمات کے لیے وہ بڑے پیمانے پر قابل احترام تھے۔ دریں اثنا ان کی جینتی کے موقع پر ان بیٹے اور لوک جن شکتی پارٹی کے لیڈر چراغ پاسوان نے بہار میں ایک ’آشیرواد یاترا‘ کا انعقاد کیا، جس میں انھوں نے لوگوں سے آشیرواد حاصل کیا اور اپنے والد کی پائیدار میراث کو خراج عقیدت پیش کیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
