وزیراعظم نریندر مودی پیر کو دو روزہ دورے پر احمد آباد پہنچے جہاں ان کا پرتپاک استقبال کیا گیا۔ ایئرپورٹ پر گورنر آچاریہ دیوورت اور وزیراعلیٰ بھوپندر پٹیل نے ان کا خیرمقدم کیا۔ اس موقع پر مختلف اعلیٰ حکام اور بی جے پی لیڈر بھی موجود تھے۔ وزیراعظم مودی اس دورے پر ’’وکست بھارت، وکست گجرات‘‘ وژن کے تحت 5,400 کروڑ روپے مالیت کے ترقیاتی منصوبوں کا افتتاح اور سنگ بنیاد رکھیں گے۔ احمد آباد میں منعقدہ تقریب میں وہ ان منصوبوں کو قوم کے نام وقف کریں گے۔
احمد آباد میں روڈ شو میں بھی کی شرکت
احمد آباد پہنچنے کے بعد مودی نے ایک روڈ شو میں شرکت کی اور عوامی اجتماع سے بھی خطاب کیا۔ وزیراعظم ہنسل پور میں ہائبرڈ بیٹری الیکٹروڈ کی مقامی پیداوار کا آغاز کریں گے اور 100 ممالک کو بیٹری الیکٹرک گاڑیوں (BEVs) کی برآمدات کا جھنڈی دکھا کر آغاز کریں گے۔ اس کے علاوہ وزیراعظم 1,400 کروڑ روپے سے زائد مالیت کے ریلوے منصوبوں کا بھی افتتاح کریں گے جن میں مہسانہ-پالن پور ریلوے لائن کی دوگنی کاری اور دیگر گیج تبدیلی منصوبے شامل ہیں۔ ان منصوبوں سے خطے میں بہتر، محفوظ اور ہموار ریل رابطہ ممکن ہو گا۔
اس کے علاوہ وزیراعظم سڑکوں کی بہتری کے متعدد منصوبوں کا بھی اور ریلوے اوور برج کا سنگ بنیاد بھی رکھیں گے۔ یہ اقدامات صنعتی ترقی، ٹرانسپورٹ کی بہتری اور معاشی سرگرمیوں میں اضافے کا باعث بنیں گے۔ توانائی کے شعبے میں بھی بڑا قدم اٹھاتے ہوئے وہ احمد آباد، مہسانہ اور گاندھی نگر میں ایک ہزار کروڑ روپے سے زائد مالیت کے بجلی تقسیم منصوبوں کا افتتاح کریں گے، جو یو جی وی سی ایل کے تحت جدید نظام کی جانب ایک اہم قدم ہے۔ ان منصوبوں سے بجلی کی فراہمی میں بہتری، نقصانات میں کمی اور عوامی تحفظ میں اضافہ متوقع ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
