وزیر اعظم نریندر مودی نے پیر کو اعلیٰ وزراء، سکریٹریوں اور سرکردہ ماہرین اقتصادیات کے ساتھ ایک اعلیٰ سطحی میٹنگ کی صدارت کی تاکہ ہندوستان کی ترقی کی رفتار کو تیز کرنے کے مقصد سے اگلی نسل کی اصلاحات کے روڈ میپ پر تبادلۂ خیال کیا جا سکے۔ اس میٹنگ کے اہم شرکاء میں وزیر داخلہ امت شاہ، وزیر دفاع راج ناتھ سنگھ، سڑک ٹرانسپورٹ کے وزیر نتن گڈکری، وزیر زراعت شیوراج سنگھ چوہان، وزیر خزانہ نرملا سیتارامن اور وزیر تجارت پیوش گوئل کے نام شامل ہیں۔
وزیر اعظم مودی نے سوشل میڈیا پلیٹ فارم ’ایکس‘ پر ایک پوسٹ میں لکھا کہ ’’نیکسٹ جنریشن ریفارمز کے روڈ میپ پر تبادلۂ خیال کے لیے ایک میٹنگ کی صدارت کی۔ ہم تمام شعبوں میں تیز رفتار اصلاحات کے لیے پرعزم ہیں، جو زندگی کی آسانی، کاروبار کرنے میں آسانی اور خوش حالی کو فروغ دیں گے۔‘‘
Chaired a meeting to discuss the roadmap for Next-Generation Reforms. We are committed to speedy reforms across all sectors, which will boost Ease of Living, Ease of Doing Business and prosperity. pic.twitter.com/XnJQ5vg3eK
— Narendra Modi (@narendramodi) August 18, 2025
اس اہم میٹنگ میں اقتصادی ترقی کو آگے بڑھانے، بنیادی ڈھانچے کو بڑھانے اور زیادہ لچکدار اور مستقبل کے لیے تیار ہندوستان کی خاطر گورننس کو مضبوط بنانے کے لیے اسٹریٹجک پالیسیوں اور اصلاحات پر توجہ مرکوز کی گئی۔ واضح رہے کہ پی ایم مودی نے 15 اگست کو لال قلعہ کی فصیل سے خطاب کرتے ہوئے ’نیکسٹ جنریشن ریفارمز‘‘ اور جی ایس ٹی قوانین پر نظر ثانی کے لیے ایک ٹاسک فورس کی تشکیل کا اعلان کیا تھا اور سیمی کنڈکٹرز سے لے کر فرٹیلائزرز تک کے کئی شعبوں میں ہندوستان کو خود کفیل بنانے پر زور دیا تھا۔ پی ایم مودی کی یہ اہم میٹنگ اسی سمت نمایاں پیش رفت کے طور پر دیکھی جا رہی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
