وزیر اعظم مودی نے آج نیشنل ہینڈلوم ڈے کے موقع پر ہم وطنوں کو مبارکباد دیتے ہوئے اس شعبے کی قدیم روایت اور اہمیت پر روشنی ڈالی۔ سوشل میڈیا پلیٹ فارم ’ایکس‘ پر اپنا پیغام شیئر کرتے ہوئے پی ایم مودی نے لکھا کہ ’’نیشنل ہینڈلوم ڈے پر نیک خواہشات! آج کا دن ہماری بُنائی کی بھرپور روایات کو منانے کا دن ہے، جو ہمارے لوگوں کی تخلیقی صلاحیتوں کو ظاہر کرتی ہے۔ ہمیں ہندوستان کے ہینڈلوم تنوع اور معاش اور خوش حالی کو آگے بڑھانے میں اس کے کردار پر فخر ہے۔‘‘
Best wishes on National Handloom Day!
Today is a day to celebrate our rich weaving traditions, which showcase the creativity of our people. We are proud of India’s handloom diversity and its role in furthering livelihoods and prosperity. pic.twitter.com/dHOwbZILCW
— Narendra Modi (@narendramodi) August 7, 2025
اس سے قبل وزیر داخلہ امت شاہ نے بھی ایک تفصیلی پیغام میں ملک کی دستکاری کی روایت کو خراج تحسین پیش کرتے ہوئے اسے مودی حکومت کی پالیسیوں کا ثمر قرار دیا۔ انھوں نے کہا کہ ہندوستان کی ہینڈلوم انڈسٹری جو کبھی زوال کا شکار تھی، آج نئی توانائی، مقصد اور اعتماد کے ساتھ ترقی کی راہ پر گامزن ہے۔ واضح رہے کہ نیشنل ہینڈلوم ڈے ہر سال 7 اگست کو منایا جاتا ہے، جس کا مقصد ہینڈلوم انڈسٹری کی خدمات کا اعتراف، بنکروں کی حوصلہ افزائی، اور قومی سطح پر اس شعبے کے فروغ کو اجاگر کرنا ہے۔
سوشل میڈیا پلیٹ فارم ’’ایکس‘‘ پر امت شاہ نے لکھا کہ ’’نیشنل ہینڈلوم ڈے کے موقع پر تمام ہم وطنوں کو دل کی گہرائیوں سے مبارکباد۔ ہندوستان کی ہینڈلوم کی روایت دنیا کی قدیم ترین روایتوں میں سے ایک ہے، جو ہماری ثقافتی ثروت اور دستکاری کی علامت ہے۔ کئی دہائیوں تک اس صنعت کو نظر انداز کیا جاتا رہا لیکن مودی جی کی قیادت میں اس شعبے کو نئی توانائی اور مقصد کے ساتھ زندہ کیا گیا ہے۔‘‘ انھوں نے مزید کہا کہ ’’آج ہندوستان کی ہینڈلوم انڈسٹری نئے اعتماد کے ساتھ آگے بڑھ رہی ہے، جو ایک خودانحصار اور وکست بھارت کی تعمیر میں اہم کردار ادا کر رہی ہے۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
