نئی دہلی: وزیرِ اعظم نریندر مودی نے آشاڈھی بیج کے مقدس موقع پر دنیا بھر میں مقیم کچھی برادری کو دل کی گہرائیوں سے مبارکباد پیش کی۔ سوشل میڈیا پلیٹ فارم ’ایکس‘ پر اپنے پیغام میں وزیرِ اعظم نے لکھا کہ ’’دنیا بھر میں بسنے والی کچھی برادری کو آشاڈھی بیج کے خاص موقع پر نیک خواہشات۔ دعا ہے کہ آنے والا سال سب کے لیے امن، خوش حالی اور بہترین صحت لے کر آئے۔‘‘
Best wishes, especially to the Kutchi community all around the world, on the special occasion of Ashadhi Bij. May the year ahead bring peace, prosperity and wonderful health for everyone.
— Narendra Modi (@narendramodi) June 27, 2025
آشاڈھی بیج کی اہمیت
آشاڈھی بیج تہوار خاص طور پر گجرات کے ضلع کَچھ میں روایتی عقیدت و احترام کے ساتھ منایا جاتا ہے۔ اس موقع پر مانسون کے آغاز اور زرعی سال کے نئے دور کی شروعات کا جشن منایا جاتا ہے۔ کچھی برادری کے لیے یہ دن امید، خوش حالی اور استقامت کی علامت ہے۔ لوگ روایتی رسومات، لوک گیتوں اور ثقافتی تقریبات کے ذریعے دعا کرتے ہیں کہ بارش اچھی ہو اور کھیتیاں سرسبز رہیں۔
کچھی ثقافت کا عالمی رنگ
کچھی برادری اپنی تجارتی ذہانت، ثقافتی ورثے اور عالمی سطح پر موجودگی کے لیے جانی جاتی ہے۔ ضلع کَچھ مختلف نسلوں اور برادریوں کا گہوارہ ہے، جن میں کچھی پٹیل، لوہانا، میمن، جین، سندھی اور رباری شامل ہیں۔ ان سب نے اس خطے کے سماجی اور ثقافتی تانے بانے میں اہم کردار ادا کیا ہے۔ کَچھ اپنے روایتی دستکاری، خاص طور پر کڑھائی، شیشہ کاری، بندھنی کے لیے دنیا بھر میں شہرت رکھتا ہے۔ کچھی برادری نے نہ صرف بھارت بلکہ دنیا کے 40 سے زائد ممالک میں اپنی شناخت قائم کی ہے۔ مشرقی افریقہ، خاص طور پر کینیا اور یوگنڈا میں ان کا کردار انیسویں اور بیسویں صدی میں اقتصادی ترقی میں نمایاں رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
