وزیر اعظم نریندر مودی جی-7 کانفرنس میں شرکت کے لیے جمعرات کو اٹلی روانہ ہوگئے ہیں۔ یہ وزیر اعظم مودی کی تیسری میعاد کا پہلا غیر ملکی دورہ ہے۔ اٹلی میں وزیر اعظم نریندر مودی اٹلی کی وزیر اعظم جارجیا میلونی کے ساتھ بھی دو طرفہ بات چیت کریں گے۔ معلومات کے مطابق، پی ایم مودی جی-7 کے موقع پر امریکی صدر جو بائیڈن سے ملاقات کر سکتے ہیں۔یوکرین میں جاری جنگ اور غزہ کا تنازعہ 13 سے 15 جون تک اٹلی میں منعقد ہونے والے جی سیون سربراہی اجلاس میں حاوی ہوسکتا ہے۔
بتادیں کہ تین روزہ جی سیون سربراہی اجلاس 13 جون سے اٹلی میں شروع ہو رہا ہے۔ یہ تقریب 13 سے 15 جون تک پگلیہ کے بورگو ایگنازیا میں منعقد ہو رہی ہے۔سربراہی اجلاس کی میزبانی اٹلی کررہا ہے۔ تین روزہ اجلاس کے دوران عالمی رہنما اہم عالمی امور پر بات کریں گے۔ اس تقریب میں سات رکن ممالک (اٹلی، کینیڈا، فرانس، جرمنی، جاپان، برطانیہ اور امریکہ) کے سربراہان کے ساتھ ساتھ یورپی کونسل کے صدر اور یورپی یونین کی نمائندگی کرنے والے یورپی کمیشن کے صدر بھی شرکت کررہے ہیں۔اس کے علاوہ کئی اقوام اور بین الاقوامی تنظیموں کے نمائندے، جنہیں اٹلی نے مدعو کیا ہے، سیشن میں شرکت کریں گے۔ عالمی رہنماؤں میں ہندوستانی وزیر اعظم نریندر مودی، الجزائر کے صدر عبدالمجید طیبوون، ارجنٹائن کے صدر جیویر میلی، برازیل کے صدر لولا ڈا سلوا، پوپ فرانسس، اردن کے شاہ عبداللہ دوم، کینیا کے صدر ولیم روتو، موریطانیہ کے صدر محمد اوولد تیونس کے صدر قیس سعید، متحدہ عرب امارات کے صدر محمد بن زاید اور ترک صدر ایردوان شامل ہیں۔
I will be attending the G7 Summit in Italy. I look forward to meeting fellow world leaders and discussing a wide range of issues aimed at making our planet better and improving lives of people. https://t.co/wjJ2iGnWYo
— Narendra Modi (@narendramodi) June 13, 2024
بین الاقوامی تنظیموں کے نمائندوں میں اقوام متحدہ کے سیکرٹری جنرل انتونیو گوتیرس، بین الاقوامی مالیاتی فنڈ کی منیجنگ ڈائریکٹر کرسٹالینا جارجیوا، عالمی بینک کے صدر اجے بنگا، اقتصادی تعاون اور ترقی کی تنظیم (او ای سی ڈی) کے سیکریٹری جنرل میتھیاس کورمن اور افریقی ترقیاتی بینک کے صدر اکنونمی آدیسینا شامل ہیں۔
وزیراعظم کے دورہ اٹلی کے پروگرام میں کیا ہے؟
جی سیون سربراہی اجلاس 13 سے 15 جون تک اٹلی کے شہر پگلیہ میں منعقد ہو رہا ہے۔ پی ایم مودی اس پروگرام میں شرکت کے لیے اٹلی گئے ہیں۔ پی ایم مودی 14 جون کو ایک آؤٹ ریچ سیشن میں شرکت کریں گے، جس میں مصنوعی ذہانت یعنی اے آئی ، توانائی، افریقہ اور بحیرہ روم پر توجہ دی جائے گی۔آپ کو بتادیں کہ 25 اپریل کو یوم آزادی کی 79 ویں سالگرہ کے موقع پر وزیر اعظم نے اطالوی وزیر اعظم جارجیا میلونی سے ٹیلی فون پر بات چیت کی تھی۔ اس دوران مودی نے وزیر اعظم میلونی کو جی سیون سربراہی اجلاس کے آؤٹ ریچ سیشن میں مدعو کرنے پر شکریہ ادا کیا۔
#WATCH | Delhi: Prime Minister Narendra Modi departs for Italy. At the invitation of Italian PM Giorgia Meloni, PM Modi is travelling to Apulia, Italy to participate in G7 Outreach Summit on 14th June.
The two leaders will have a bilateral meeting on the sidelines of the… pic.twitter.com/JnpuJeLSuO
— ANI (@ANI) June 13, 2024
پی ایم مودی کے اٹلی کے دورے کی کیا اہمیت ہے؟
وزیر اعظم مودی اٹلی کے وزیر اعظم جارجیا میلونی کے ساتھ بھی دو طرفہ میٹنگ کریں گے۔ مارچ 2023 میں میلونی کے ہندوستان کے دورے کے بعد پی ایم مودی کی یہ دوسری ملاقات ہوگی۔ مودی جمعرات کو ایک اعلیٰ سطحی وفد کے ساتھ اٹلی گئے ہیں۔ یہ دورہ پی ایم مودی کو ہندوستان اور گلوبل ساؤتھ کے لیے اہم مسائل پر چوٹی کانفرنس میں موجود دیگر عالمی رہنماؤں کے ساتھ بات چیت کرنے کا موقع فراہم کرے گا۔ معلومات کے مطابق سربراہی اجلاس میں امریکی صدر جو بائیڈن اور وزیر اعظم مودی کی ملاقات ہو سکتی ہے۔سربراہی اجلاس میں ہندوستانی وزیر اعظم کی شرکت انہیں گزشتہ سال ہندوستان کی صدارت میں منعقدہ جی 20سربراہی اجلاس کے نتائج پر عمل کرنے کا موقع فراہم کرے گی۔ وزیر اعظم مودی سے اٹلی میں ہونے والےجی سیون سربراہی اجلاس میں کئی اہم مسائل پر بات چیت کی بھی توقع ہے۔
بھارت ایکسپریس۔
