صدر جمہوریہ دروپدی مرمو نے چار لوگوں کو راجیہ سبھا کے لیے نامزد کیا ہے۔ ان میں سرکاری وکیل اجول دیو راؤ نکم، کیرالہ کے سینئر سماجی کارکن اور ماہر تعلیم سی سدانندن ماسٹر، ہندوستان کے سابق خارجہ سکریٹری ہرش وردھن شرنگلا اور نامور تاریخ دان اور ماہر تعلیم میناکشی جین کے نام شامل ہیں۔ یہ نامزدگیاں پہلے سے نامزد ارکان کی ریٹائرمنٹ کے باعث خالی ہونے والی نشستوں کے پیش نظر کی گئی ہیں۔صدر مرمو نے ان لوگوں کو آئین کے آرٹیکل 80 (1) (a) کی شق (3) کے ذریعہ انہیں دیئے گئے اختیارات کے تحت راجیہ سبھا کے لئے منتخب کیا ہے۔
Shri Harsh Vardhan Shringla Ji has excelled as a diplomat, intellectual and strategic thinker. Over the years, he’s made key contributions to India’s foreign policy and also contributed to our G20 Presidency. Glad that he’s been nominated to the Rajya Sabha by President of India.…
— Narendra Modi (@narendramodi) July 13, 2025
وہیں راجیہ سبھا کیلئے نامزد چاروں شخصیات کو وزیراعظم نریندر مودی نے مبارکباد دی ہے۔ انہوں نے ایک سلسلہ وار ایکس پوسٹ میں چاروں شخصیات کو مبارکباد دیتے ہوئے ان کی خوبیوں کا ذکر کیا ہے۔پی ایم مودی نے لکھا کہ یہ بہت خوشی کی بات ہے کہ ڈاکٹر میناکشی جین کو صدرجمہوریہ نے راجیہ سبھا کے لیے نامزد کیا ہے۔ انہوں نے خود کو ایک عالم، محقق اور مورخ کے طور پر ممتاز کیا ہے۔ تعلیم، ادب، تاریخ اور سیاسیات کے شعبوں میں ان کے کام نے علمی گفتگو کو نمایاں طور پر تقویت بخشی ہے۔ ان کی پارلیمانی مدت کے لیے نیک خواہشات۔
Shri C. Sadanandan Master’s life is the epitome of courage and refusal to bow to injustice. Violence and intimidation couldn’t deter his spirit towards national development. His efforts as a teacher and social worker are also commendable. He is extremely passionate towards youth…
— Narendra Modi (@narendramodi) July 13, 2025
پی ایم مودی نے ایک دوسری ایکس پوسٹ میں لکھا کہ ہرش وردھن شرنگلا نے ایک سفارت کار، دانشور اور اسٹریٹجک مفکر کے طور پر بہترین کارکردگی کا مظاہرہ کیا ہے۔ برسوں کے دوران، انہوں نے ہندوستان کی خارجہ پالیسی میں کلیدی شراکت کی ہے اور ہماری G20 صدارت میں بھی اہم رول نبھایا ہے۔ خوشی ہے کہ انہیں ہندوستان کے صدر نے راجیہ سبھا کے لیے نامزد کیا ہے۔ ان کا منفرد نقطہ نظر پارلیمانی کارروائی کو بہت زیادہ تقویت بخشے گا۔
Shri C. Sadanandan Master’s life is the epitome of courage and refusal to bow to injustice. Violence and intimidation couldn’t deter his spirit towards national development. His efforts as a teacher and social worker are also commendable. He is extremely passionate towards youth…
— Narendra Modi (@narendramodi) July 13, 2025
اپنے تیسرے پوسٹ میں وزیراعظم نے لکھا کہ سی سدانندن ماسٹر کی زندگی ہمت اور ناانصافی کے سامنے جھکنے سے انکار کا مظہر ہے۔ تشدد اور دھمکیاں قومی ترقی کی طرف ان کے جذبے کو کم نہیں کر سکتیں۔ بطور استاد اور سماجی کارکن ان کی کاوشیں بھی قابل ستائش ہیں۔ وہ نوجوانوں کو بااختیار بنانے کے لیے انتہائی پرجوش ہیں۔ راشٹرپتی کے ذریعہ راجیہ سبھا کے لئے نامزد کئے جانے پر انہیں مبارکباد۔ ایم پی کے طور پر ان کے کردار کے لیے نیک خواہشات۔
Shri Ujjwal Nikam’s devotion to the legal field and to our Constitution is exemplary. He has not only been a successful lawyer but also been at the forefront of seeking justice in important cases. During his entire legal career, he has always worked to strengthen Constitutional…
— Narendra Modi (@narendramodi) July 13, 2025
ایک اور پوسٹ میں پی ایم نے لکھا کہ اجول نکم کی قانونی میدان اور ہمارے آئین کے تئیں لگن مثالی ہے۔ وہ نہ صرف ایک کامیاب وکیل رہے ہیں بلکہ اہم مقدمات میں انصاف کے حصول میں بھی سب سے آگے رہے ہیں۔ اپنے پورے قانونی کیریئر کے دوران، انہوں نے ہمیشہ آئینی اقدار کو مضبوط بنانے اور عام شہریوں کے ساتھ ہمیشہ عزت کے ساتھ پیش آنے کو یقینی بنانے کے لیے کام کیا ہے۔ یہ خوشی کی بات ہے کہ ہندوستان کے صدر نے انہیں راجیہ سبھا کے لیے نامزد کیا ہے۔ ان کی پارلیمانی اننگز کے لیے میری نیک خواہشات۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
