نئی دہلی: وزیراعظم نریندرمودی نے روسی صدرولادیمیرپتن کوان کی 73 ویں سالگرہ پرمبارکباد دی۔ دونوں نے ہندوستان-روس اسٹریٹجک شراکت داری کومضبوط بنانے کے عزم کا اظہارکیا۔ روس، بھارت کا سب سے بڑا دفاعی سپلائربنا ہوا ہے اورحالیہ برسوں میں دونوں ممالک کے درمیان تجارتی حجم میں نمایاں اضافہ ہوا ہے۔
وزیراعظم نریندرمودی نے آج روسی صدرولادیمیرپتن سے ٹیلی فون پربات کی۔ بات چیت کے دوران، پی ایم مودی نے پتن کوان کی 73 ویں سالگرہ پرگرم جوشی سے مبارکباد دی اوران کی اچھی صحت کی خواہش ظاہرکی۔ پی ایم مودی نے ولادیمیرپتن کوہندوستان آنے کی دعوت دی، خاص طورپرآئندہ 23ویں ہندوستان-روس سالانہ چوٹی کانفرنس کے لیے۔ آپ کوبتا دیں کچھ دن پہلے روسی صدرنے بھی پی ایم مودی کو ’’قابل اعتماد پارٹنر‘‘ قراردیتے ہوئے ان سے جلد ملاقات کی خواہش ظاہرکی تھی۔
प्रधानमंत्री नरेंद्र मोदी ने रूसी राष्ट्रपति व्लादिमीर पुतिन से टेलीफोन पर बातचीत की और उन्हें जन्मदिन की शुभकामनाएं दीं। #PMModi #VladimirPutin #BirthdayWishes #IndiaRussiaRelations #Diplomacy #GlobalLeadership@narendramodi @PMOIndia pic.twitter.com/YY1ndvDsLS
— Bharat Express (@BhaaratExpress) October 7, 2025
دو طرفہ ایجنڈا، بہترشراکت داری کا جائزہ
آج کی بات چیت میں دونوں لیڈران نے دوطرفہ تعلقات میں پیش رفت کا جائزہ لیا۔ توانائی، دفاع، تجارت اورخلا جیسے شعبوں میں تعاون کو فروغ دینے پرزوردیا گیا۔ پی ایم مودی نے کہا کہ ہندوستان روس کے ساتھ اپنے تاریخی تعلقات کومضبوط کرتا رہے گا۔ صدر پتن نے ہندوستان کوروس کا “سب سے قابل اعتماد دوست” کے طور پربھی بیان کیا اوراقتصادی اوراسٹریٹجک تعاون کوترجیح دینے پرزوردیا۔ یہ فون کال ایک ایسے وقت میں آیا ہے، جب دونوں ممالک عالمی جغرافیائی سیاسی کشیدگی کے درمیان ایک دوسرے کے مضبوط ستون بنے ہوئے ہیں۔ دسمبرمیں طے شدہ دورہ دونوں ملکوں کے درمیان اعلیٰ سطحی مذاکرات کونئی تحریک فراہم کرے گا۔
‘پتن کے استقبال کے منتظر’
پی ایم مودی نے واضح طورپرکہا کہ وہ ہندوستان میں صدرپتن کے استقبال کے منتظر ہیں۔ 23ویں ہندوستان-روس سالانہ چوٹی کانفرنس میں کئی اہم معاہدوں پر دستخط کیے جانے کی امید ہے، بشمول موسمیاتی تبدیلی، ڈیجیٹل معیشت اور صحت کے شعبے سے متعلق۔
یوکرین کے مسئلے پربھی ہوئی بات
دونوں لیڈران نے جہاں یوکرین کے بحران اورعالمی امن پربھی تبادلہ خیال کیا۔ وہیں ہندوستان کی غیرجانبدارانہ پالیسی کوسراہا گیا۔ یہ گفتگو صرف سالگرہ کی مبارکباد تک محدود نہیں رہی بلکہ دونوں ممالک کے درمیان باہمی اعتماد کومزید مضبوط کرنے کا باعث بھی ثابت ہوئی۔ ماہرین کا خیال ہے کہ یہ شراکت داری ایشیا پیسیفک خطے میں استحکام کی بنیاد بنے گی۔ مجموعی طورپر، یہ کال ہندوستان اورروس کے تعلقات میں ایک سنہری باب کی نشاندہی کرتی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
