نئی دہلی: وزیراعظم نریندر مودی نے بدھ کو فلپائن میں آنے والے شدید زلزلے میں جاں بحق افراد پر گہرے رنج و غم کا اظہار کیا اور متاثرہ خاندانوں سے تعزیت کی۔ انہوں نے کہا کہ بھارت مشکل گھڑی میں فلپائن کے ساتھ کھڑا ہے اور زخمیوں کی جلد صحتیابی کے لیے دعاگو ہے۔
Deeply saddened to learn about the loss of lives and widespread damage caused by the earthquake in the Philippines. My thoughts and prayers are with the bereaved families. I wish the injured a speedy recovery. India stands in solidarity with the Philippines at this difficult…
— Narendra Modi (@narendramodi) October 1, 2025
وزیر اعظم مودی نے ایکس پر اپنے پیغام میں لکھا: ’’فلپائن میں زلزلے سے ہونے والے جانی نقصان اور بڑے پیمانے پر تباہی کی خبر سن کر دلی صدمہ ہوا۔ میری دعائیں غمزدہ خاندانوں کے ساتھ ہیں۔ میں زخمیوں کی جلد صحت یابی کی دعا کرتا ہوں۔ اس مشکل وقت میں بھارت فلپائن کے ساتھ ہے۔‘‘
فلپائن میں تباہ کن زلزلہ
الجزیرہ کے مطابق، منگل کی شب 9:59 بجے (مقامی وقت) 6.9 شدت کا زلزلہ فلپائن کے وسطی جزیرے سیبو کے ساحل پر آیا، جس کے نتیجے میں کم از کم 69 افراد جاں بحق اور تقریباً 150 زخمی ہوئے۔ امریکی جیولوجیکل سروے کے مطابق، زلزلے کا مرکز سیبو جزیرے کے شمالی حصے بُوگو (Bogo) کے قریب تھا، جہاں تقریباً 90 ہزار افراد رہائش پذیر ہیں۔ زلزلے کے بعد 5 شدت یا اس سے زیادہ کے 4 آفٹر شاکس بھی ریکارڈ کیے گئے۔
ایمرجنسی اور نقصانات
مقامی ذرائع کے مطابق، سیبو کے کچھ حصوں میں ’’اسٹیٹ آف کیلیمیٹی‘‘ نافذ کر دیا گیا ہے۔ بجلی کی فراہمی متاثر ہوئی، عمارتیں منہدم ہوئیں جبکہ اسپتال اور متعدد مکانات کو نقصان پہنچا۔ سیبو کی گورنر پامیلہ بریکواترو نے ایک ویڈیو پیغام میں کہا: ’’ہم ابھی نقصانات کا جائزہ لے رہے ہیں، لیکن صورتحال ہماری توقع سے زیادہ سنگین ہوسکتی ہے۔‘‘ انہوں نے بتایا کہ ایمرجنسی میڈیکل ٹیمیں تعینات کر دی گئی ہیں اور صدر کے دفتر سے مدد کی درخواست بھی کی گئی ہے۔
🇵🇭 A 6.9 magnitude earthquake has devastated central Philippines, killing at least 69 people, destroying homes, roads, and public buildings.
Landslides buried 14 in Bogo, 12 crushed in Medellin, while rescue teams struggle through blackouts and blocked routes as aftershocks… pic.twitter.com/OU0ZL1Cb1i
— TheCommonVoice (@MaxRumbleX) October 1, 2025
بحرالکاہل کے رنگ آف فائر پر واقع ہے فلپائن
کئی گاؤں کی سڑکیں بھی تباہ ہو گئیں۔ زلزلے کی وجہ سے بجلی کی تاریں ٹوٹ گئیں، جس سے سیبو اور اردگرد کے وسطی جزیروں میں بجلی گل ہو گئی۔ حالانکہ، فلپائن نیشنل گرڈ کارپوریشن نے اپ ڈیٹ دیتے ہوئے بتایا کہ سیبو اور چار دیگر بڑے وسطی جزیروں میں آدھی رات کے بعد بجلی بحال کر دی گئی۔ واضح رہے کہ فلپائن بحرالکاہل کے رِنگ آف فائر پر واقع ہے، جو زلزلوں اور آتش فشانی سرگرمیوں کے لیے نہایت حساس خطہ ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
