وزیر اعظم نریندر مودی نے 24 اپریل کو جموں و کشمیر کے پہلگام میں ہوئے المناک دہشت گردانہ حملے کے بعد کانپور کا اپنا طے شدہ دورہ منسوخ کر دیا ہے۔ اس حملے میں کانپور کے ایک نوجوان شبھم سمیت 28 لوگوں کی جانیں گئی ہیں۔ وزیر اعظم مودی اپنے دورے کے دوران کانپور میں 20,000 کروڑ روپے سے زیادہ کے ترقیاتی منصوبوں کا افتتاح اور سنگ بنیاد رکھنے والے تھے۔
وزیر اعظم کے دفتر کی طرف سے جاری کردہ ایک بیان میں کہا گیا ’’احترام کے طور پر، غم کے اس وقت میں کانپور میں کسی بھی جشن یا رسمی عوامی مصروفیت کو ملتوی کرنا مناسب سمجھا گیا۔‘‘ تاہم وزیر اعظم مودی 24 اپریل کو پنچایتی راج دیوس کے موقع پر مدھوبنی، بہار میں پہلے سے طے شدہ پروگرام میں شرکت کریں گے۔ وزیر اعظم، جو پہلگام حملے کے وقت سعودی عرب میں تھے، بدھ کو علی الصبح ہندوستان واپس آئے۔
شام چھ بجے ہوگا سی سی ایس کا اجلاس
ہندوستان واپس آتے ہی انھوں نے دہلی کے ہوائی اڈے پر قومی سلامتی کے مشیر اجیت ڈوبھال اور وزیر خارجہ ایس جے شنکر کے ساتھ ایک اعلیٰ سطحی میٹنگ کی۔ وہیں پیش رفت پر تبادلۂ خیال کے لیے کابینہ کمیٹی برائے سلامتی (CCS) کا اجلاس آج شام 6 بجے ہونے کا امکان ہے۔
واضح رہے کہ یہ حملہ 2019 کے پلوامہ سانحہ کے بعد سے خطے میں سب سے مہلک حملہ ہے۔ پاکستان میں مقیم کالعدم دہشت گرد تنظیم لشکر طیبہ سے منسلک ایک شیڈو گروپ ریزسٹنس فرنٹ نے مبینہ طور پر اس حملے کی ذمہ داری قبول کی ہے، حالاں کہ حکومت کی طرف سے سرکاری طور پر اس کی تصدیق ابھی باقی ہے۔ وزیر اعظم مودی نے اس حملے کی مذمت کرتے ہوئے اس عزم کا اظہار کیا کہ اس ’’وحشیانہ فعل‘‘ کے ذمہ داروں کو انصاف کے کٹہرے میں لایا جائے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
