وزیر اعظم نریندر مودی نے پیر کو شہریوں سے گزشتہ 11 سالوں میں ہندوستان کی ترقی کے سفر کے بارے میں ’نمو ایپ‘ (NaMo App) پر سروے میں حصہ لینے کی اپیل کی۔ سوشل میڈیا پلیٹ فارم ’ایکس‘ پر پوسٹ کرتے ہوئے وزیر اعظم مودی نے پورٹل کا ایک لنک شیئر کیا اور لوگوں کو ایپ پر دستیاب ’جن من سروے‘ کے ذریعے اپنے خیالات شیئر کرنے کی ترغیب دی۔
وزیر اعظم نے لکھا ’’آپ کے خیالات سب سے اہم ہیں! نمو ایپ پر اس سروے میں حصہ لیں اور ہمیں بتائیں کہ آپ پچھلے 11 سالوں میں ہندوستان کی ترقی کے سفر کو کیسے دیکھتے ہیں۔‘‘ واضح رہے کہ وزیر اعظم مودی کی قیادت والی این ڈی اے حکومت اس اپنے اقتدار کے 11 سال مکمل کر رہی ہے۔ وزیر اعظم نریندر مودی نے پہلی بار 26 مئی 2014 کو حلف لیا تھا اور گزشتہ سال 9 جون کو مسلسل تیسری مدت کے لیے عہدہ سنبھالا تھا۔
Your views matter the most! Take part in this survey on the NaMo App and let us know how you view India’s growth journey over the last 11 years. #11YearsOfSeva https://t.co/HSPUQwa4g1
— Narendra Modi (@narendramodi) June 9, 2025
جے پی نڈا نے حکومت کی کامیابیوں پر روشنی ڈالی
دریں اثنا بھارتیہ جنتا پارٹی (بی جے پی) کے صدر اور مرکزی وزیر جے پی نڈا نے حکومت کی مختلف کامیابیوں پر روشنی ڈالی۔ ایک پریس کانفرنس سے خطاب کرتے ہوئے نڈا نے کہا کہ وزیر اعظم مودی نے ملک کے سیاسی کلچر کو بدل دیا ہے اور ایک نیا معمول اور ایک نیا نظام قائم کیا ہے۔
نڈا نے مزید کہا کہ ’’ہم پی ایم مودی کی قیادت میں 11 سال مکمل کر رہے ہیں۔ پریس کانفرنس میں 11 سال کو محدود کرنا بہت مشکل ہے۔ پی ایم مودی کی قیادت میں جو کام ہوئے ہیں وہ سنہرے الفاظ لکھے جانے کے قابل ہیں۔ پی ایم مودی نے ملک کی سیاست اور سیاسی کلچر کو بدل دیا ہے۔ ۔۔۔یہ حکومت مؤثر ہے، یہ حکومت مضبوط فیصلے لیتی ہے، یہ ایک ایسی حکومت ہے جو معاشی نظم و ضبط لاتی ہے۔‘‘ اس موقع پر مرکزی حکومت نے ایک جامع ای بک بھی جاری کی ہے جس میں گزشتہ 11 سالوں میں مختلف شعبوں میں حاصل کی گئی کامیابیوں کی تفصیل دی گئی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
