کسان سمّان اسکیم کی گیارہویں سالگرہ کے موقع پر وزیر اعظم نریندر مودی نے ہفتہ کے روز ہندوستان کے کسانوں کی ترقی کے لیے اپنی حکومت کے عزم کا اعادہ کیا ہے۔ وزیر اعظم مودی نے ملک کے کسانوں کو یقین دلایا کہ مرکزی حکومت کی جانب سے کسانوں کی فلاح و بہبود کی کوششیں لگاتار ساتھ جاری رہیں گی۔
سوشل میڈیا پلیٹ فارم ’ایکس‘ پر ایک پوسٹ میں وزیر اعظم مودی نے لکھا کہ ’’اپنے محنتی کسانوں کی خدمت کرنا ہمارے لیے اعزاز کی بات ہے۔ گزشتہ 11 سالوں میں ہمارے مختلف اقدامات نے زراعت کے شعبے کو تبدیل کرتے ہوئے کسانوں کی خوش حالی کو فروغ دیا ہے۔ مٹی کی صحت اور آبپاشی جیسے اہم مسائل پر توجہ مرکوز کرکے ہم نے اہم فوائد حاصل کیے ہیں۔ کسانوں کی فلاح و بہبود کے لیے ہماری وابستگی ترقی کی رفتار کو مزید تیز ہی کرے گی۔‘‘
It’s our privilege to serve our hardworking farmers. For the past 11 years, our various initiatives have boosted prosperity for farmers and also ensured an overall transformation of the agriculture sector. We have focussed on issues like soil health and irrigation, which have… https://t.co/1eNRIe5RJb
— Narendra Modi (@narendramodi) June 7, 2025
وزیر اعظم نے کسانوں کے لیے حکومت کے اہم اقدامات پر روشنی ڈالی، بشمول پی ایم کسان سمان ندھی، کسان فصل بیمہ، اور کم از کم امدادی قیمت (ایم ایس پی) میں مسلسل اضافہ۔ انھوں نے نشان دہی کی کہ جن کسانوں کو پہلے بنیادی ضروریات کے لیے قرض کی ضرورت ہوتی تھی اب وہ سالانہ نقد امداد اور قرض بیمہ اسکیموں سے مستفید ہوتے ہیں۔
हमारे किसान भाई-बहनों को पहले जहां छोटी-छोटी जरूरतों के लिए भी उधार लेने को मजबूर होना पड़ता था, वहीं बीते 11 साल में हमारी सरकार के निर्णयों से उनका जीवन बहुत आसान हुआ है। पीएम किसान सम्मान निधि हो या फिर किसान फसल बीमा, हमने उनके कल्याण के लिए कई अहम कदम उठाए हैं। अब एमएसपी में… pic.twitter.com/MtQbvGMMcH
— Narendra Modi (@narendramodi) June 7, 2025
پوسٹس کی ایک سیریز میں وزیر اعظم مودی نے گزشتہ ایک دہائی میں اپنی حکومت کی کسان پر مبنی پالیسیوں کے سبب تبدیلی کے اثرات پر زور دیا اور اسے زراعت کے لیے وقار اور خوش حالی کے دور کے طور پر بیان کیا۔ انھوں نے زور دے کر کہا کہ ایم ایس پی میں مسلسل اضافے نے کسانوں کی آمدنی میں اضافہ کرتے ہوئے مناسب معاوضہ کو یقینی بنایا ہے۔
ایک پوسٹ میں وزیر اعظم نے لکھا ’’قرض اور غیر یقینی صورت حال کا سامنا کرنے کے بجائے ہمارے کسان اب براہ راست آمدنی کی حمایت، بہتر قیمتوں، جدید انفراسٹرکچر، اور عالمی مارکیٹ تک رسائی کے ذریعے عزت سے لطف اندوز ہوتے ہیں۔‘‘ انھوں نے مزید کہا کہ زراعت میں خاطر خواہ اضافہ ہوا ہے اور کسان ہندوستان کی ترقی میں کلیدی شراکت دار بن رہے ہیں۔
किसानों का सम्मान और उनकी समृद्धि मोदी सरकार की प्रमुख प्राथमिकताओं में रही है।
कृषि प्रधान भारत में 2014 से पहले किसान हाशिये पर थे। #11YearsOfKisanSamman में मोदी सरकार ने DBT, फसल बीमा योजना, सहकार से समृद्धि, KCC और ऐतिहासिक MSP वृद्धि जैसे प्रयासों से किसानों की आय और… pic.twitter.com/br7Oq11qm9
— Amit Shah (@AmitShah) June 7, 2025
دریں اثنا مرکزی وزیر داخلہ امت شاہ نے بھی ان کوششوں کی تعریف کرتے ہوئے کہا ’’آج ہمارے کسان خود اعتمادی کے ساتھ ملک کی تعمیر میں بااختیار شراکت دار ہیں۔‘‘ وہیں بی جے پی کے صدر جے پی نڈا نے مزید کہا کہ پی ایم مودی کی قیادت نے پی ایم-کسان اور پی ایم فصل بیمہ یوجنا جیسی اسکیموں کے ذریعے کسانوں کو ترجیح دی ہے اور ان کی حمایت یقینی بنایا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
