نئی دہلی: قومی یکجہتی کی علامت اور سردار ولبھ بھائی پٹیل کی پیر (15 دسمبر) کو برسی منائی جا رہی ہے۔ اس موقع پر وزیر اعظم نریندر مودی سمیت ملک کی کئی ممتاز سیاسی شخصیات نے سردار پٹیل کو خراج عقیدت پیش کیا اور ملک کے اتحاد و سالمیت میں ان کے بے مثال کردار کو یاد کیا۔
وزیر اعظم نریندر مودی نے سوشل میڈیا پلیٹ فارم ’ایکس‘ پر لکھا،“ سردار ولبھ بھائی پٹیل کو ان کی 75ویں برسی پر میرا سادر نمن۔ انہوں نے ملک کو ایک لڑی میں پرونے کے لیے اپنی پوری زندگی وقف کر دی۔ ایک مضبوط اور متحد بھارت کی تعمیر میں ان کا بے مثال کردار احسان مند قوم کبھی فراموش نہیں کر سکتی۔”
लौह पुरुष सरदार वल्लभभाई पटेल को उनकी 75वीं पुण्यतिथि पर मेरा सादर नमन। उन्होंने देश को एकसूत्र में पिरोने के लिए अपना जीवन समर्पित कर दिया। अखंड और सशक्त भारतवर्ष के निर्माण में उनका अतुलनीय योगदान कृतज्ञ राष्ट्र कभी भुला नहीं सकता।
— Narendra Modi (@narendramodi) December 15, 2025
مرکزی وزیرداخلہ امت شاہ نے بھی سردار پٹیل کی خدمات کو یاد کرتے ہوئے ’ایکس‘ پر لکھا کہ قومی یکجہتی کے علمبردار اور مضبوط بھارت کے معمار سردار ولبھ بھائی پٹیل کو ان کی برسی پر وہ خراج عقیدت پیش کرتے ہیں۔ انہوں نے کہا کہ بے شمار مشکلات کے باوجود سردار پٹیل نے آزاد بھارت کو متحد کر کے ایک مضبوط اور مستحکم قوم کی بنیاد رکھی۔امت شاہ نے مزید کہا کہ ملک کے پہلے وزیر داخلہ کی حیثیت سے سردار پٹیل نے مادروطن کی سلامتی، داخلی استحکام اور امن کو اپنی زندگی کا مقصد بنایا۔ تعاوناتی تحریک کو فروغ دے کر خواتین اور کسانوں
کو خود انحصاری کی راہ پر گامزن کیا اور آتم نربھر بھارت کی مضبوط بنیاد رکھی۔
राष्ट्रीय एकता के प्रतीक, मजबूत भारत के शिल्पकार लौहपुरुष सरदार वल्लभभाई पटेल जी को उनकी पुण्यतिथि पर नमन करता हूँ।
सरदार साहब ने खंड-खंड में बँटे आजाद भारत को तमाम प्रतिकूल परिस्थितियों के बावजूद एकीकृत कर मजबूत राष्ट्र का सुदृढ़ रूप दिया। देश के पहले गृह मंत्री के रूप में माँ… pic.twitter.com/VbhqEsGFEn
— Amit Shah (@AmitShah) December 15, 2025
لوک سبھا اسپیکر اوم برلا نے بھی سردار پٹیل کو یاد کرتے ہوئے کہا کہ آزاد بھارت کے پہلے نائب وزیرِ اعظم اور وزیر داخلہ کے طور پر انہوں نے اپنی غیر معمولی قیادت اور مضبوط عزم کے ذریعے قومی سالمیت کو یقینی بنایا۔ ان کی دور اندیشی کے نتیجے میں 550 سے زائد ریاستوں کا بھارت میں تاریخی انضمام ممکن ہوا، جس نے ایک منظم اور طاقتور بھارت کی بنیاد رکھی۔
اتر پردیش کے وزیراعلیٰ یوگی آدتیہ ناتھ نے بھی اپنے پیغام میں کہا کہ شمال سے جنوب اور مشرق سے مغرب تک بھارت کی یکجہتی اور سالمیت کے معمار، بھارت رتن سردار ولبھ بھائی پٹیل کی برسی پر وہ انہیں عقیدت بھرا خراج تحسین پیش کرتے ہیں۔ انہوں نے کہا کہ ملک کی داخلی سلامتی، دیسی تحریک اور کسانوں کے خود انحصار کے لیے سردار پٹیل کی خدمات آج بھی سب کے لیے مشعلِ راہ ہیں۔
سردار ولبھ بھائی پٹیل کی برسی پر ملک بھر میں انہیں یاد کرتے ہوئے قومی اتحاد، نظم و ضبط اور فرض شناسی کے ان کے پیغام کو دہرایا جا رہا ہے، جو آج بھی بھارت کو مضبوط اور متحد رکھنے کی ترغیب دیتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
